Rama sjell një tjetër zë pro teatrit të ri, studiuesi i artit: Myk dhe lagështirë, godina e kalbur

TIRANE- Studiuesi i artit Josif Papagjoni është zëri i radhës që sjell kryeministri Rama në debatin për Teatrin Kombëtar. Jo vetëm për aktorët, por edhe për publikuan mendon ai se duhet të ndërtohet godina e re. Sipas tij, njeriu kur shkon në teatër duhet të ndjejë era parfum, jo si tani myk dhe lagështirë.

Postimi i plotë i kryeministrit Edi Rama
Studiuesi e kritiku i artit, profesori, Josif Papagjoni, ka botuar 15 libra për teatrin, dramaturgjinë, një sërë dramash dhe plot artikuj e studime mbi teatrin dhe personalitetet e skenës. Ai ka një opinion shumë të qartë për çështjen e godinës së teatrit.

JOSIF PAPAGJONI:
Aty duhet të bëhet një godinë e re teatrore. Më thoni një teatër në Ballkan, që ndodhet në këtë gjendje? Kur shoh këto pamje, më shtohet dhjetëfish bindja se aty duhet ngritur një teatër i ri. Nëse ai projekt është i vërtetë, atëherë jam i lumtur si spektator, si kritik, por edhe si popull, se teatri nuk është vetëm për aktorët, teatri është publiku. Duhet t’i japim publikut mundësinë, shansin që të kënaqet. Njeriu kur shkon në teatër duhet të ndjejë era parfum, që është një godinë e bukur, e kënaqshme, ku perceptohet produkti artistik.

Por, kur shkoj atje tani, mban era myk, lagështirë. Si mund ta heqim ne lagështirën? Bëj një mijë rikonstruksione, era e lagështirës nuk hiqet; ajo është godinë e kalbur. Pyetja që duhet të shtrojmë është: A mund ta ftojmë këtu trupën e Berlinit të japë një shfaqje? A mund të bëjmë një festival europian në këto kushte? Një produkt të Mbretit Lir apo Hamletit? Pra, jam shumëfish me idenë që atje duhet një teatër i ri.

TAG:
• edi rama
• Josif Papagjoni
• shembja e teatrit