Rama publikon video nga rruga e Arbrit: Edhe pak dhe ëndrra 100-vjeçare është realitet

Rruga e Arbrit po merr formë dita ditës dhe është afër përfundimit të saj. Kryeministri Edi Rama ka publikuar një video nga tuneli në rrugën e Arbri, ndërsa pas saj duket Ura e Vashës, një nga urat më të larta në Shqipëri 157 metra. 

Gjatë ditës së sotme Rama ka inspektuar punimet në Rrugën e  Arbrit ku ndodhet dhe Ura e Vashës. Rama shprehet se me përfundimin e kësaj ure dhe me ndihmën e byepassit të Murrizit, tanimë i gjithë aksi i rrugës së Arbrit është i lidhur. Rama tha se edhe për pak kohë  ëndrra 100 vjeçare e dibranëve do të jetë realitet i prekshëm nga të gjithë.

“Rruga Arbërit, në një nga Urat më të larta në Shqipëri. Me përfundimin e kësaj ure dhe me ndihmën e byepassit të Murrizit, tanimë i gjithë aksi i rrugës së Arbrit është i lidhur. Edhe pak durim dhe ëndrra 100 vjeçare e dibranëve do të jetë realitet i prekshëm nga të gjithë”, shkruan Rama.

LEXO EDHE:
VIDEO/ Grushta mes gjimnazistëve në Bulqizë, kampionati i volejbollit përfundon me rrahje masive! Policia i shoqëron në polici

Rruga e Arbrit është një nga investimet e rëndësishme për modernizimin e infrastrukturores rrugore të vendit dhe pritet të përfundojë në verë të 2021. Rruga e Arbrit do të shkurtojë kohën e lidhjes së Dibrës me Tiranën, do të lehtësojë transportin e qytetarëve dhe do krijojë më shumë aksesueshmëri për daljen në treg të produkteve të zonës.

TAG:
• edi rama
• rruga e arbrit
• Diber