POP 5

Lajmet më të lexuara të 5 minutave të fundit

Politikë

Rama takon sekretarët: Dua urgjent rezultate

Kryetari socialist Edi Rama ka zhvilluar në takim me sekretarët e PS ku ka kërkuar informacione në lidhje punën që po bëhet në bazën e PS për një kurs të ri opozitar. Ai ka kërkuar që të punohet për përmirësimin e listave, të intensifikohet puna me aleatet dhe të evidentohen kandidatët potencialë për deputetë.
Rama takon sekretarët: Dua urgjent rezultate
TIRANE - Kryetari socialist Edi Rama ka zhvilluar dje paradite një takim me sekretarët e PS, më të cilët ka diskutuar lidhur me rezultatin e takimeve me bazën e partisë për implementimin e veprimit të ri opozitar. Vetëm një javë pas deklaratës
në mbledhjen e forumeve drejtuese për një intensifikim të punës së PS me bazën deri në përfundim të këtij sesioni parlamentar, ditën e djeshme Rama ka kërkuar informacion më të detajuar në lidhje me mënyrën e organizimit të këtyre takimeve me organizatata socialiste dhe forumet e strukturat drejtuese të bazës, si dhe mundësinë e një rezultati sa më të shpejtë dhe të prekshëm të organizimit të partisë në këto struktura, në mënyrë që dhe muajt e verës të shërbejnë për këtë qëllim, pasi tashmë kemi hyrë në vitin elektoral. Rama ka këmbëngulur në mënyrë të veçantë në punën me grupet e vogla të njerëzve e gjetjes së mundësisë së organizimit në formë rombi të punës që tek  organizatatat, në mënyrë që gjithaçka të jetë nën kontrollin e PS.

Njëherësh është kërkuar që të evidentohen të gjithë ato figura potenciale në komunitet, që mund të jenë epiqendër për thithjen e votave, në mënyrë që të kenë mundësinë e hyrjes në listat rajonale si kandidatë për deputetë. Kreu socialist ka këmbëngulur se këtu duhet një punë efikase dhe larg të gjithë pëlqimeve të gabuara dhe mbështetjeve për qëllime personale, duke kërkuar përzgjedhjen e njerëzve që grumbullojnë sa më shumë vota, duke marrë si shembull konkret zgjedhjet vendore të 8 majit të 2011, ku për shkak të kandidatëve të përzgjedhur me kujdes dhe vetëm në interes të PS, e majta mori thujase të gjitha bashkitë e vendit. Madje fitoi dhe në ato bashki ku nuk kishte fituar kurrë apo kishte shumë kohë që kishte harruar shijen e fitores, si në Kavajë, Laç etj. Teksa ka kërkuar implementimin e kësaj skeme, Rama ka kërkuar në mënyrë të veçantë që të ketë një kujdes shumë të madh në verifikimin e listave të zgjedhësve dhe përmirësimin e tyre. Njëherësh është kërkuar që të forcohet puna me aleatët, bashkëpunimi me të cilët sjell fitoren.

(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tensionohet protesta te Sheshi Uilson, Bledjon Nallbati kapet pas autobotit të ujit! Dhjetëra efektivë e rrethojnë, ujë dhe spraj me piper, përparon Policia

Tensionohet protesta te Sheshi Uilson, Bledjon Nallbati kapet pas autobotit të ujit! Dhjetëra efektivë e rrethojnë, ujë dhe spraj me piper, përparon Policia

26 Nëntor, 18:25