Kryeministri Edi Rama si çdo mëngjes tjetër ka uruar të gjithë qytetarët në këtë të ditë të fundit të vitit. Këtë radhë ai zgjodhi  të postonte edhe një video ku shihen pamje nga qyteti i zbukuruar Vlorës.

Në këtë ditë të fundit të vitit 2017, i pari i qeverisë ka uruar të gjithë shqiptarët për Vitin e Ri, si dhe një të diel të qetë dhe sa më festive të fundvitit, në pritje të 2018.

"MIRËMËNGJES dhe me këto pamje të Vlorës së rilindur dhe të zbukuruar për festat e fundvitit, ju uroj një të diel të qetë dhe sa më festive këtë ditë të fundit të vitit", ka shkruar Rama.