Për 45 minuta, kryeministri Edi Rama dhe sekretari i shtetit Antony Blinken zhvilluan takimi në zyrat e Departamentit të Shtetit në Washington ku diskutuan për bashkëpunimin e ngushtë mes Shqipërisë dhe Shteteve të Bashkuara të Amerikës. Teksa shprehu shprehu kënaqësinë për anëtarësimin e Shqipërisë në Këshillin e Sigurimit për periudhën kohore 2022-2023, Blinken tha se dy vendet do të punojnë së bashku për çështje shumë sfiduese.
Një gjest i veçantë i kryeministrit Edi Rama ka lënë mbresa tek Blinken, ashtu siç e cilësoi ai. Sekretari i Shtetit vlerësoi gatishmërinë e qeverisë shqiptare, si vendi i parë që ofroi strehë dhe mikpritje për refugjatët afganë. Kjo sipas Blinken tregoi vlerat e vendit tonë, mikpritjen dhe bujarinë.
Ai vlerësoi angazhimin dhe kontributin e Shqipërisë ndër vite, në organizma të shumta të Kombeve të Bashkuara, në të mirë të paqes mes vendeve.
“Është një kënaqësi e veçantë t’i uroj mirëseardhjen kryeministrit këtu në Departamentin e Shteteve të Bashkuara dhe që na jepet mundësia të flasim për punën që Shqipëria deh SHBA po bëjnë sëbashku në kaq fusha të ndryshme, në kaq shumë fronte. Faktikisht ne jemi ulur krah për krah në Këshillin e Sigurimit në OKB. Jemi mirënjohës për punën që po bëjmë së bashku atje, por duhet t’iu them kryeministër atë që më ka mbetur mbresë e do më mbetet për një kohë të gjatë, fakti që, në fillim të verës, pasi shpallëm se do të largoheshim nga Afganistani dhe do t’i jepnim fund luftës atje, ju ishit i pari që u ofruat të prisnit refugjatët afganë dhe kjo është ekzaktësisht ajo që bëtë. Ky është një nderim i madh për ju dhe për bujarinë e Shqipërisë që i ofruat një strehë të sigurt mbi 2.000 afganëve. Ju jam mirënjohës për këtë, por edhe për punën që bëni çdo ditë në Europë për sigurinë dhe forcimin e lidhjeve të ngushta, sidomos përmes NATO-s dhe po ashtu siç e thash në Këshillin e Sigurimit ku kemi shumë çështje sfiduese për të cilat duhet të punojmë sëbashku. Më vjen shumë mirë që iu kemi këtu. Pres me padurim që të zhvillojmë një diskutim shumë të mirë”, tha Blinken.
Kryeministri Edi Rama falënderoi Sekretarin Amerikan Blinken dhe shprehu kënaqësinë për takimin e zhvilluar në nisje të vitit, që shënon 100 vjetorin e vendosjes së marrëdhënieve diplomatike mes Shqipërisë dhe SHBA-ve.
“Faleminderit shumë z.sekretar, është një nder që ndodhem këtu, sigurisht dhe kënaqësi që takohemi me ju në këtë fillim viti, i cili shënon 100 vjetorin e marrëdhënieve tona diplomatike, që u ndërprenë në mënyrë brutale për shkak se Shqipëria mori një drejtim tërësisht të ndryshëm për më shumë se një gjysmë shekulli, por ja ku jemi, sërish bashkë. Ne e vlerësojmë këtë miqësi, këtë marrëdhënie si gjën më të vyer. Jemi shumë krenarë të gjendemi krah jush dhe të ndihmojmë sa të mundemi për të kthyer atë ç’ka ju keni bërë për ne gjatë këtyre viteve jo vetëm për Shqipërinë, por edhe për shqiptarët e Kosovës dhe shqiptarët kudo që ndodhen. Jemi shumë krenarë që jemi aleatët tuaj dhe do të bëjmë maksimumin për ta merituar këtë miqësi të veçantë”, tha Rama.
Një ditë më parë kryeministri Edi Rama u takua me sekretarin e përgjithshëm të OKB-së, Antonio Guterres. Më herët nën ritmet e muzikës tradicionale shqiptare, në një sallë të mbushur me përfaqësues të 193 vendeve anëtare të OKB, Shqipëria organizoi një pritje gala në New York me rastin e fillimit të mandatit 2-vjeçar të Shqipërisë në Këshillin e Sigurimit të OKB-së.
Pamje nga takimi i Ramës me Blinken
Kryeministri Edi Rama ka mbërritur në Departamentin Amerikan të Shtetit, ku po zhvillon një takim me sekretarin e Shtetit, Antony Blinken. Takimi zgjati 45 minuta
Komente
Lajme të tjera
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
Vetum te hujte na thojn se jena krenare per ju, kur se populli shqiptare ashte ne skamje
Përgjigjue ka taku 26 her deri tani, vetem per afganet flasin, kthehu ne shqiperi o gje e trash se i le njerzit pa pune atje
PërgjigjuPse ktej i ka me pune haha