POP 5

Lajmet më të lexuara të 5 minutave të fundit

Politikë

Rama-Xhaferrajt: Ti vjen e reciton këtu kot, për çfarë ta shpallim gjendjen e emergjencës? Për 30 shtëpi që sot s’janë më nën ujë?

 

Kryeministri Rama u shpreh se aktualisht nuk është e nevojshme për të shpallur gjendjen e emergjencës pasi situata nuk është problematike. Rama u shpreh se kemi pasur rezultate jo të njëjta me 2010 sepse është punuar për to dhe aktualisht ka një ekip te posaçëm që merret posaçërisht me këtë çështje.

“Ju më kujtoni mua atë shprehjen “Jep shpirt, por nuk heq dorë”, habi e madhe. Më nxjerr një video timen të asaj kohe dhe thua “Hajde këtu dhe konfrontohu”. Unë të them prapë, që i qëndroj një për një të gjithë atyre që nxore atje, edhe tek e para dhe tek e dyta sepse janë shifra të qarta fare. Mund të vish këtu, të tregosh, të recitosh sa të duash dhe mund të sjellësh citime nga një, dy, tre, pesë banorë, të cilëve u vihet kamera përpara dhe me kamera mund të bëhet nami. Një luftë e tërë me kamera bëhet po të doni ju.

Çështja është tek faktet dhe po të përsëris faktet nga bashkia Shkodër, jo nga qeveria socialiste. E kupton që më kërkon prapë “Shpallni emergjencën natyrore”!

Për çfarë ta shpallim Emergjencën Natyrore, për çfarë? Ma thua dot për çfarë? Për 30 banesa që kishin prezencë uji dhe që nuk e kanë më? Mos më trego fotografitë sepse fotografitë nuk janë live, o Ferdinand. Dielli, cilësia e diellit është live, fotografia nuk është live.

Çfarë mi tregon fotografitë? Po të them bashkinë Shkodër, 30 banesa me prezencë uji në momentin e parë, tani uji ka filluar të tërhiqet. Është e gjatë për të treguar se çfarë kemi bërë ne, por edhe falë asaj që kemi bërë ne, megjithëse Shkodra është pika më e dobët, këto janë rezultatet sepse kemi pastruar me mijëra kilometra kanale kulluese që ishin të bllokuara, sepse sot kemi një strukturë, e cila ngrihet me sustë në këmbë, nuk shkon me shapka dhe me varka teneqeje dhe që të bëjë atje gondolierin siç ndodhte më 2010. Është një Agjenci Kombëtare e Emergjencave Civile. Kemi futur, falë kësaj agjencie, në mekanizmin Europian të Emergjencave Civile. Mekanizmi Europian i Emergjencave Civile do të thotë që nëse ka këtu një emergjencë, vihet në lëvizje gjithë mekanizmi.”- tha Rama.


Lajmi kryesor:

Kuvend/ PD në interpelancë urgjente me Ramën për përmbytjet: Pse nuk shpallet gjendja e emergjencës? Kryeministri: Për 30 shtëpi që s'janë nën ujë?


G.MO/Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03