Ramush Haradinaj i bindet Ramës, heq kollaren në Samitin e Ballkanit në Durrës (VIDEO)

Durrës- Në nisje të samitit të Kryeministrave të Ballkanit i pari që mbërriti ishte Kryeministri i Kosovës, Ramush Haradinaj, me të cilin i pari i qeverisë shqiptare Edi Rama nuk i kurseu batutat, ndërsa e këshilloi të hiqte kollaren.

Pak minuta më vonë, ndërsa liderët u ulën në tryezën e diskutimeve kryeministri i Kosovës, Ramush Haradinaj u shfaq pa kollare. Nuk dimë nëse kjo ndodhi pas këshillës së bërë nga Rama, apo Haradinaj u vu disi në siklet për faktin se askush prej të ftuarve nuk mbante kollare në takimin informal, por në tyrezë ai i u shfaq pa kollare.

LEXO EDHE:
Vijojnë punimet për Urën e Madhe të Kukësit mbi Drin (VIDEO)

Ramush Haradinaj pa kollare

Takimi mes kryeministriave nisi sot në orën 10:00, ndërsa në fokus të tij mbetet rritja e zbatimit të angazhimeve të marra në Samitin e Triestes në korrik 2017. Në këtë takim po diskutohet gjerësisht mbi integrimin ekonomik të vendeve të rajonit dhe mbi projektin e nisur tashmë për krijimin e një zone ekonomike të rajonit. Zona Ekonomike Rajonale e vendosur në Samitin e Triestes synon të sigurojë mundësi të reja si për bizneset ashtu dhe për qytetarët, si dhe do të forcojë zhvillimin dhe vendet e punës.

Përveç kryeministrave të rajonit pranishëm në samit ishin edhe Komisioneri për Politikat Evropiane të Fqinjësisë dhe Negociatat e Zgjerimit Hahn dhe ambasadorja e BE në Tiranë, Vlahutin. Gjithashtu pjesë e samitit ishin edhe ambasadorja greke, përfaqësueses të Bankës Botërore dhe të Bankës Europiane.

Momenti kur Rama këshillon Haradinajn

TAG:
• edi rama
• Ramush Haradinaj
• samiti i durresit
• kollare

Sondazhi i ditës:

Pronat shtetërore mund të shkëmbehen me private, si e vlerësoni ligjin?

• Të drejtë

  31.1%

• Të gabuar

  57.6%

• Nuk e di

  11.3%

Vota total: 1167

Votat totale janë unike

• Sondazhi i ditës:

  Pronat shtetërore mund të shkëmbehen me private, si e vlerësoni ligjin?

  Të drejtë Të gabuar Nuk e di