Raporti final i 'Venecias'/ Pikat kyçe që rrëzuan Metën duke anuluar 30 qershorin me tejkalimin e kompetencave

Komisioni i Venecias publikoi sot në faqen zyrtare raportin e plotë që miratoi ditën e enjte për Presidentin e Shqipërisë Ilir Meta duke zbardhur shkeljet që ka kryer me anulimin e datës së zgjedhjeve të 30 Qershorit.

Shqiptarja.com publikoi raportin e plotë, ndërsa sjell në mënyrë të përmbledhur edhe pikat kryesore ku evidentohet shkelja që ka kryer Ilir Meta me dekretin e tij që është cilësuar nga Komisioni i Venecias në tejkalim të kompetencave që i ka dhënë Kushtetuta e Shqipërisë.

Presidenti mund të anulojë zgjedhjet vetëm në një situatë emergjente. Por edhe atëherë Presidentit i duhet konsensus politik dhe një ligji 'ad hoc' për të shtyrë zgjedhjet.  Pra Meta  tejkaloi kompetencat, por 'Venecia' nuk mendon se shkelja është aq e rëndë sa Presidenti të shkarkohet. 

Megjithatë tashmë 'topi' është në fushën e Komisionit të Posaçëm për Hetimin e Presidentit që do të vendosë me cfarë propozimi do i drejtohet parlamentit, i cili më pas nëse vendos shkarkimin e Ilir Metës, fjalën e fundit duhet ta thotë Gjykata Kushtetuese që ende nuk është ngritur.

Raporti i Komisionit të Venecias nuk ka rrëzuar vetëm kreun e shtetit për dekretin, por edhe opozitën parlamentare që ka bojkotuar zgjedhjet. Për Lulzim Bashën dhe aleatët e tjerë të opozitës, zgjedhjet pa opozitën nuk janë demokratike, por moniste.

Por Komisioni i Venecias e thotë shumë qartë dhe prerë se pavarësisht se disa parti nuk marrin pjesë në zgjedhje, procesi duhet të zhvillohet, pasi nuk mund ta marrin peng.

(Kliko këtu) për të lexuar përmbledhjen e Raportit Final të Komisionit Venecias)

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dada: 14/10/2019 17:32

    Sipas kushtetutes .Meta dat 30 qershore 19 ishte afati i fundit te dekretimit te zgjedhjeve vendore.nqs Meta do ti kushte dekretuar me psh me dat 10.07.19 kjo eshte shkelje e kushtetutes.(interprerim brenda kornizes kushtetuse) Ok. komisioni i Venecies ka thene e ka tejkaluat kompetencat do te thote Z.Meta ka bere nje dekeret pa ligj pa kushetute por me deshiren e tij kjo eshte shkelje e rende por kete vleresim e bene gjykata kushtetuse dhe parlamenti se po ta bente Venecia mere kompetancat e gjygjesorit. shqiptare.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superliga/ Egnatia hedh 'në tapet' Kukësin pas 6 minutash, verilindorët në fundin e renditjes! Sherri bën heroin

Superliga/ Egnatia hedh 'në tapet' Kukësin pas 6 minutash, verilindorët në fundin e renditjes! Sherri bën heroin