Presidenti i Republikës, Ilir Meta, përpiqet edhe një herë t’i vijë rrotull verdiktit të Komisionit të Venecias. Mbrëmë në darkë, duke folur në një intervistë televizive dhënë gazetares Eni Vasili, ai tha se vendimi, që pritej të merrej sot, për atë “ka zero rëndësi”. Ndërsa sot zëdhënësi i tij, Tedi Blushi, vendosi t’i japë rëndësi, por duke u përpjekur që t’ia përmbysë konkluzionet. Në fakt, sipas Presidencës, verdikti i Komisionit është që Ilir Meta “ka bërë zero shkelje”. Deri tani kishte qarkulluar vetëm një draft i vendimit të Komisionit, ndërsa raporti përfundimtar do të publikohet javën e ardhshme. Megjithatë, Presidenti u nxitua sot që të përdorte tekstin e një komunikate për shtyp, të shpërndarë nga zyra e shtypit e Komisionit, gjoja sikur ai është raporti përfundimtar dhe duke pretenduar me ato 15 rreshta, të publikuara si sintezë, të përgënjeshtrojë 19 faqet, që përbëjnë draftin e qarkulluar më parë.
Në të vërtetë, komunikata, pikërisht si edhe drafti, përmbajnë të njejtin konkluzion: Presidenti nuk ka fuqinë kushtetuese për të shtyrë zgjedhjet, kështu që dekreti, me të cilin ai shtyu zgjedhjet e 30 qershorit, u nxorr duke tejkaluar kompetencat kushtetuese. Por, Komisioni ka shtuar se, sipas mendimit të tij, kjo shkelje e Kushtetutës nuk është aq e rëndë sa të justifikojë shkarkimin.
Por Ilir Meta këmbëngul të thotë se, sipas Komisionit të Venecias, “tejkalimi i kompetencës” nuk është shkelje e Kushtetutës. Në të vërtetë, Meta gabon. Pikërisht duke interpretuar konkluzionin e Komisionit të Venecias, në fakt, është e qartë se, duke dekretuar shtyrjen e zgjedhjeve, pa e patur këtë kompetencë, Presidenti ka shkelur Nenet 93 dhe 94 të Kushtetutës.
Neni 94 i Kushtetutës, në fakt, thotë se: “Presidenti i Republikës nuk mund të ushtrojë kompetenca të tjera përveç atyre që i njihen shprehimisht me Kushtetutë dhe që i jepen me ligje të nxjerra në pajtim me të”. Ndërsa Neni 93 saktëson se “Presidenti i Republikës, në zbatim të kompetencave të tij, nxjerr dekrete”.
Pra, Meta, duke shtyrë zgjedhjet e 30 qershorit, ka ushtruar kompetenca te tjera nga ato që i njihen shprehimisht me Kushtetutë, në shkelje të Nenit 94. Dhe, në çastin kur ka firmosur dekretin, ai ka nxjerrë një dekret, që nuk zbatonte kompetencën e tij, në shkelje të Nenit 93 të Kushtetutës. E qartë dhe e thjeshtë.
Kjo ndoshta nuk do të thotë që shkelja e këtyre neneve të Kushtetutës është një gjest aq i rëndë, sa të justifikojë shkarkimin (impeachment) e tij, siç pretendon Partia Socialiste, por sigurisht do të thotë se, sipas Komisionit të Venecias, zgjedhjet e 30 qershorit mbeten të vetmet që janë dekretuar në mënyrë të ligjshme.
Komisioni ka vendosur ta bëjë publik vendimin e tij zyrtar të hënën, më 14 tetor, një ditë pas zgjedhjeve fantazmë, të vetë-thirrura nga Ilir Meta dhe të pazhvilluara ndonjëherë. Por kjo ndoshta është vetëm një koincidencë.
Komente
Lajme të tjera
-
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
Këshilli i BE-së miraton konkluzionet për Shqipërinë: SPAK po godet korrupsionin! Zbatoni vendimet e Kushtetueses dhe rekomandimet e OSBE/ODIHR e 'Venecias'
17 Dhjetor, 14:27
-
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
Debate në Kuvend për Opinionin e Venecias për Xhaçkën/ Bardhi: Shpikët një opinion që nuk ekziston! Bushka: Autonomia parlamentare fitoi të drejtën
12 Dhjetor, 12:53 -
Kreshnik Spahiu: Pse janë bashkuar qeveri-opozitë, për heqjen e Kryetares Gjykatës Kushtetuese?
11 Dhjetor, 14:40
-
Gjykata Kushtetuese, kryetarja përplaset me Gjykatën e Lartë/ Zaçaj angazhon 'Venecian' kërkon përgjigjen e 4 pyetjeve! Gjykata e Lartë nis procedurat për zëvendësimin e saj (DOKUMENT)
11 Dhjetor, 07:54 -
I përfundon mandati si gjyqtare e Kushtetueses në 10 mars? Reagon Holta Zaçaj: Jo, do të qëndroj deri në fund të 2025! I drejtohem Venecias, respektoni pavarësinë
10 Dhjetor, 13:32
-
Mandati i Xhaçkës, Komisioni i Venecias / Bushka: Vendimet e GJK, të zbatueshme por jo të diktojnë votën! Bardhi: Konfirmoi se mazhoranca bëri puç (DOKUMENTI)
10 Dhjetor, 11:24 -
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Grupi i PD akuza Spiropalit: Mbajtja e fshehtë e opinionit të Komisionit të Venecias, me qëllim dezinformimin e publikut!
6 Dhjetor, 19:50 -
Mandati i Xhaçkës shqyrtohet nga Komisioni i Venecias, pritet publikimi i opinionit! PD akuza Spiropalit: Po fsheh draftin
6 Dhjetor, 09:37
Ne zgjedhje une e Mona... kam stervitur dhe llapen... ajo do heke „Näpen „
Përgjigju