Raporti i agjencisë ndërkombëtar, “Fitch solutions” për Shqipërinë: Ekonomia rritet me 5.7%! Varianti delta, rrezik për ringritjen e turizmit

Agjencia Ndërkombëtare e Vlerësimit (Fitch Solutions) ka përmirësuar parashikimin për rritjen ekonomike të Shqipërisë. Nga 4.3% që ishte parashikimi fillestar, në raportin e fundit poritshmëritë janë që prodhimi i Brendshëm Bruto në vend të shkojë në 5.7% në 2021. Ky rikuperim ekonomik sipas raportit do të vijë nga rindërtimi i vendit pas tërmetit të 26 nëntorit 2019, ringritja e aktivitetit turistik si dhe nga rritja e konsumit privat. Ndikim jo të vogël do të ketë edhe shtimi i shkëmbimeve tregtare apo rritja e investimeve.

Por në raportin e Fitch Solutions vihet theksi edhe tek rreziku që i kanoset ekonomisë së vendit dhe më gjerë nga varianti Delta, që mund të shkaktojë një mbyllje të dytë.

“Ne theksojmë se një ringjallje në COVID-19 infeksionet mbeten një rrezik”, thuhet në raport.

Ndërkohë industria e turizmit që ka ndikimin më të madh në ekonominë e Shqipërisë që pësoi edhe goditjen më të fortë prej virusit, rrezikohet më shumë nga varianti Delta.

“Ekziston ende një nivel i lartë i pasigurisë në lidhje me efikasitetin aktual të vaksinave ekzistuese në variantin dominues Delta që përhapet në të gjithë Botën. Nëse ky variant rezulton rezistent ndaj vaksinave ekzistuese, atëherë parashikimi i turizmit të Shqipërisë mund të pësojë një tjetër tronditje”, vijon më tej raporti.

Por edhe në rast se ecuria e këtij sezoni turistik do të jetë pozitive përsëri sipas agjencisë ndërkombëtare nuk do të arrihen shifrat e vitit 2019.

Ky vlerësim i situatës ekonomike në vend, është përshëndetur edhe nga ministrja e Financave Anila Denaj, e cili shkruan se ky parashikim pozitiv është në të njëjtën linjë me pritshmëritë e FMN qe flet për rritje 5% apo 4.5% nga BERZH.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish ministri dhe ish kryebashkiaku i Sarandës Stefan Çipa në SPAK

Ish ministri dhe ish kryebashkiaku i Sarandës Stefan Çipa në SPAK