POP 5

Lajmet më të lexuara të 5 minutave të fundit

Ekonomi

Raporti i Bankës Botërore: 1/3 e popullsisë në Shqipëri jeton me 5.5 dollarë dita, varfëria këtë vit do të jetë 30.8%

Më shumë se 30% e popullsisë së vendit është në nivelin e varfërisë pasi sipas Bankës Botërore ata jetojnë me 5.5 dollar dita. Sipas raportit të fundit thuhet se varfëria pritet të bjerë këtë vit, por që rrezikohet nga rritja e çmimeve si dhe nga papunësia e lartë.

Raporti i Bankës Botërore: 1/3 e popullsisë në Shqipëri jeton me 5.5 dollarë dita, varfëria këtë vit do të jetë 30.8%

Banka Botërore

Varfëria në Shqipëri ka arritur në nivelin më të lartë që prej 2018, në vitin e kaluar. Në raportin e fundit të Bankës Botërore thuhet se në vitin e pandemisë niveli i varfërisë ishte 32.6% nga 31.8% që ishte në vitin 2019.

Përpos situatës së përmirësuar ekonomike dhe rritjes së të ardhurave, ekspertët e bankës vlerësojnë që edhe këtë vit 1/3 e popullsisë së vendit do të jetojë me 5.5 dollarë dita. Konkretisht në fund të 2021 niveli i varfërisë do të zbresë në 30.8%, por edhe kjo ulje e varfërisë këtë vit rrezikohet nga kriza e punësimit.

“Pavarësisht nga nën -performanca e tregut të punës, niveli i varfërisë është parashikuar të bjerë në 2021 me 1.8 pikë përqindje në lidhje me vitin 2020. Sidoqoftë, kjo ulje supozon se punësimi do të rimëkëmbet në afatgjatë dhe çmimet e ushqimeve do mbeten të qëndrueshme”, thuhet në raportin e Bankës Botërore.

Ndërkohë në vitin e ardhshëm niveli i popullsisë që jeton me 5.5 dollar dita pritet të zbresë në 29.3%. Shqipëria është vendi me nivelin më të lartë të varfërisë në rajon sipas këtij raporti, pasi në Kosovë niveli i varfërisë vlerësohet të jetë 20.9%, në Serbi e Malin e Zi është përkatësisht 17.1% dhe 17.7%, ndërsa Maqedonia e Veriut ka nivelin më të ulët, ku vetë, 16.9% e qytetarëve kanë të ardhura 5.5 dollarë dita.

Ndërkohë sipas të dhënave të Ministrisë së Financave të ardhurat për frymë në vitin 2020 ishin në vlerën e 4.459 eurove, me një rënie prej 323 euro krahasuar me 2019. Ndërsa këtë vit pritet që të ardhurat për banor të arrijnë në 4.782 euro, e njëjta vlerë me vitin 2019.

 

(Kliko ketu per te lexuar raportin e plote)

K.T.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Prostitucionalizmi edvinist: 19/10/2021 23:51

    Do paguaje edvinka me salibanin. Nuk di qe meren me vete pasurite ne boten tjater. Nese e di kush, mund te na tregoje. Nese jo, pyeteni pak sbq dhe edvinken se cfare do bejne me gjithe ato leke.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57