POP 5

Lajmet më të lexuara të 5 minutave të fundit

Ekonomi

Raporti i BSH, përmirësohet
ndjesia në sektorët ekonomikë

Gjatë tremujorit të parë, sipas vrojtimeve të besimit, të matura nga Banka e Shqipërisë, treguesi i përgjithshëm i ndjesisë ekonomike (TNE) vijoi përmirësimin e nisur në tremujorin e katërt të vitit 2013.
Raporti i BSH, përmirësohet<br />ndjesia në sektorët ekonomikë
TIRANE- Gjatë tremujorit të parë, sipas vrojtimeve të besimit, të matura nga Banka e Shqipërisë, treguesi i përgjithshëm i ndjesisë ekonomike (TNE) vijoi përmirësimin e nisur në tremujorin e katërt të vitit 2013. Treguesi tashmë shënon një rritje të ndjeshme prej 13.4 pikësh nga tremujori i kaluar, por, megjithatë, niveli i tij vijon të qëndrojë nën mesataren e vet historike. Përmirësimi i treguesit u ndikua kryesisht nga rritja e besimit në të gjithë sektorët, me përjashtim të besimit të konsumatorëve, i cili mbeti pothuajse i pandryshuar nga niveli i një tremujori më parë.
 
Industria
Sipas raportit të BSH, treguesi i besimit në sektorin e industrisë (TBI) u përmirësua me 4.2 pikë përqindjeje, ku ndikoi pozitivisht rritja e balancës së prodhimit dhe përmirësimi i gjendjes financiare të bizneseve në këtë sektor. TBI-ja qëndron 3.1 pikë përqindjeje mbi mesataren e periudhës 2008-2013.
 
Ndërtimi
Treguesi i besimit në sektorin e ndërtimit (TBN) shënoi rritje me rreth 13.9 pikë përqindjeje, përcaktuar nga zhvillimet pozitive në tre balancat përbërëse të tij. Niveli aktual i TBN-së qëndron gjithsesi rreth 2.2 pikë përqindjeje nën mesataren e periudhës 2008-2013.
 
Shërbimet
Pas kthesës rritëse në tremujorin e katërt të vitit 2013, treguesi i besimit në shërbime (TBSH) vijoi përmirësimin në tremujorin e parë të këtij viti. Niveli i TBSH-së u rrit me 10 pikë përqindjeje në krahasim me tremujorin e mëparshëm, por qëndron 3.7 pikë përqindjeje nën mesataren historike të tij.
 
Tregtia
Treguesi i besimit në tregti (TBT) shënoi rritje për të dytin tremujor rresht, në tremujorin e parë 2014. Aktualisht niveli i TBT-së qëndron rreth 5.2 pikë përqindjeje mbi mesataren afatgjatë.
 
Konsumatorët
Treguesi i besimit të konsumatorëve (TBK) shënoi një rënie të lehtë me rreth 0.3 pikë përqindjeje. Aktualisht, TBK-ja qëndron rreth 4.0 pikë përqindjeje nën mesataren historike. Pritjet e konsumatorëve për situatën financiare në tremujorin e ardhshëm shënuan rënie me rreth 2.5%. Në të njëjtin drejtim ndryshoi dhe vlerësimi i tyre për blerjet e mëdha.

Shkrimi u publikua sot (16.04.2014) në gazetën Shqiptarja.com (print)

Redaksia Online
(d.a/shqiptarja.com) 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51