POP 5

Lajmet më të lexuara të 5 minutave të fundit

Ekonomi

Raporti i KLSH-së: Vjedhje 3
milionë dollarë tek studentët

Ndërmarrja e trajtimit të studentëve në Tiranë ka grumbulluar një dëm të konsiderueshëm ekonomik ndaj shtetit, sipas raportit të fundit të KLSH, të publikuar dje. Vetëm në dy vitet e fundit, shkeljet dhe abuzimet llogariten në 3 milionë dollarë amerikanë.
TIRANE- Kontrolli i Lartë i Shtetit ka zbuluar një dëm ekonomik ndaj arkës së shtetit në periudhën kohore 2010-2011 prej 3 milionë dollarësh në Ndërmarrjen e Trajtimit të Studentëve nr.1 Tiranë. Gjatë auditimit, janë konstatuar mangësi e parregullsi të ndryshme. Kështu, rezulton se Shoqëria nuk ka arkëtuar detyrimet debitore, të cilat për vitet 2010-2011 rezultojnë në vlerën 102.6 milionë lekë lekë dhe nuk ka paguar detyrimet ndaj furnitorëve e kreditorëve, në masën përkatësisht 20.4 milionë dhe 25.8 milionë lekë. Nga ana tjetër, janë përdorur për studentët 69 dhoma më pak nga ato në dispozicion, duke shkaktuar të ardhura të munguara në vlerën 19.8 milionë lekë.

Në vitet 2010-2011, kjo Shoqëri është ndëshkuar me dëmshpërblime nga gjykata, përkatësisht në vlerat 3.2 milionë lekë dhe 4.5 milionë lekë, kryesisht si pasojë e veprimeve dhe mosveprimeve të strukturave drejtuese e vartëse të shoqërisë.

Nga ana tjetër, sipas KLSH, Shoqëria nuk ka derdhur në buxhet vlerën prej 12.1 milionë lekësh, për shkak të gjendjes së saj të dobët financiare. Gjithashtu, Shoqëria rezulton me gjendje të lartë të lëndëve të para në fund të vitit 2011, në vlerën 16.5 milionë lekë, e cila është e pajustifikuar me objektin e veprimtarisë dhe krijon risk për shoqërinë.
Ky subjekt nuk ka regjistruar në zërin "troje" të gjithë objektet që ka në pronësi në Hipotekë dhe, po ashtu, një shkelje tjetër me dëm është ajo së nuk janë llogaritur provigjione për llogaritë e arkëtueshme afatshkurtra për zhdëmtime në shumën 4.7 milionë lekë, arkëtimi i të cilave është i pamundur.

KALLEZIMI
Nga vlerësimi i dokumentacionit të dhënies me qira të objekteve: "Ambient pranë godinës 12" dhe "Ambient pranë godinës 13", ka rezultuar se ai nuk është bërë konform akteve në fuqi, gjë, për të cilën KLSH ka arritur në përfundimin se ndodhet në kushtet e konsumimit të figurës së veprës penale, neni 248 "Shpërdorimi i detyrës". Për këtë, ka depozituar kallëzim penal pranë organeve të prokurorisë për kryetaren e Këshillit Mbikëqyrës dhe dy anëtarë të këtij Këshilli.

KLSH i ka rekomanduar Prefektit të Qarkut Tiranë dhënien e masës disiplinore "Largim nga puna" për arkitekten, në cilësinë e përfaqësueses së Prefekturës së Qarkut Tiranë dhe Drejtorisë të Trajtimit të Studentëve Nr. 1 Sh.a., fillimin e procedurave për dhënien e masës disiplinore "Largim nga puna" për juristen e Shoqërisë, si dhe "Vërejtje me paralajmërim për largim nga puna" për Drejtoren e Departamentit Ekonomik.
(eç/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50