POP 5

Lajmet më të lexuara të 5 minutave të fundit

Ekonomi

Raporti/ Kriza ekonomike, 180 mijë
emigrantë janë kthyer nga Greqia

Sipas një raporti të Qendrës për Tregti të Jashtme ACIT, financuar nga USAID, në pesë vitet e fundit kanë lënë Greqinë si pasojë e krizës së thellë që ka kapur këtë vend 18-22 përqind e emigrantëve shqiptarë.
Raporti/ Kriza ekonomike, 180 mijë <br />emigrantë janë kthyer nga Greqia
TIRANE - 180 mijë emigrantë shqiptarë të punësuar në Greqi janë rikthyer tashmë në Shqipëri. Sipas një raporti të Qendrës për Tregti të Jashtme ACIT, financuar nga USAID, në pesë vitet e fundit kanë lënë Greqinë si pasojë e krizës së thellë që ka kapur këtë vend 18-22 përqind e emigrantëve shqiptarë.

Sipas raportit, i cili u bën një analizë të hollësishme pasojave të krizës greke në ekonominë tonë, investimet greke kanë rënë nga 53 përqind e totalit në vitin 2006 në 27 përqind në 2011-ën. Kriza ka ndikuar gjithashtu në mënyrë të ndjeshme edhe në marrëdhëniet tregtare.

Importet nga Greqia kanë rënë nga 15 për qind në 11 përqind të totalit, ndërsa eksportet shqiptare drejt Greqisë thuajse u përgjysmuan. Por përveç efekteve negative kriza greke ka ndikuar pozitivisht për depozitat bankare.

Dërgesat e emigrantëve nga Greqia janë rritur edhe pse totali i dërgesave nga jashtë ka pasur rënie. Raporti arrin në konkluzionin se shqiptarët kanë tërhequr depozitat e tyre nga bankat greke dhe i kanë investuar në Shqipëri.

Sipas studimit, tre janë rreziqet kryesore që i kanosen ekonomisë shqiptare nga kriza greke, i pari: është ritmi i kthimit të emigrantëve që mund të sjellë probleme në vend, së dyti: problemet që mund të shkaktohen për eksportet dhe e treta: efektet zinxhir që mund të sjellë në sistemin financiar tërheqja masive e depozitave nga bankat greke.

(gk/Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

'Mos dëgjoni Sudet dhe Rrapushët', Rama në Bulqizë: Rruga është drejt BE-së në 2030! Do i lëmë një horizont atyre që do marrin stafetën

'Mos dëgjoni Sudet dhe Rrapushët', Rama në Bulqizë: Rruga është drejt BE-së në 2030! Do i lëmë një horizont atyre që do marrin stafetën

26 Nëntor, 11:31