POP 5

Lajmet më të lexuara të 5 minutave të fundit

Politikë

Raporti paralajmërues: Dyshimet e partive për tradhti nga komisionerët rreziku numër një për zgjedhjet e 25 prillit

Raporti i KQZ-së për Kuvendin: Zëvendësimi i komisionerëve në minutat e fundit saboton procesin zgjedhor. Në 6 zgjedhjet e fundit lokale dhe parlamentare u zëvendësuan në mes të procesit deri 38 % të komisionerëve 

Raporti paralajmërues: Dyshimet e partive për tradhti nga komisionerët rreziku numër një për zgjedhjet e 25 prillit

TIRANË- Dyshimet për tradhti dhe mosbesimi i madh i partive politike tek komisionerët dhe sidomos numëruesit tyre, duke pasjellë zëvendësimin e të dyshuarave në minutat e fundit, në çdo rast dhe në çdo kohë, konsiderohet si rreziku numër një për zgjedhjet parlamentare të 25 prillit 2021. Komisioni Qendror i Zgjedhjeve, në një raport që ka dërguar në Kuvend për veprimtarinë gjatë vitit 2020, thekson se zëvendësimi i anëtarëve dhe sekretarëve të KZAZ-ve nga partitë politike, edhe në ditën e zgjedhjeve, kur KQZ ka përmbyllur kalendarin e trajnimeve, cenon rëndë procesin zgjedhor, për shkak se komisionerët e sapoemëruar nuk i njohin procedurat, pasi nuk janë të trajnuar.  

Në raport thuhet se “mosnjohja e procedurave përbën shkak për shkelje të ligjit, debate mes komisionerëve, vonesa në hapjen e qendrave të votimit, vonesa në fillimin e votimit, madje edhe në pezullim të votimit për të korrigjuar parregullsitë e shkaktuara në administrimin e materialit zgjedhor nga komisionerë të patrajtuar”. Pasoja edhe më serioze, sipas KQZ, sjell zëvendësimi i numëruesve nga partitë në minutat e fundit dhe gjatë procesit të numërimit, për shkak të dyshimeve të blerjes së numëruesve nga partia kundërshtare.

Gjatë gjashtë palë zgjedhjeve të fundit, zëvendësimi i komisionerëve nga partitë politike në mes të procesit ka arritur deri në 38 %. Pavarësisht se zëvendësimi i komisionerëve në çdo kohë nga partitë politike ka qenë një shqetësim i vazhdueshëm i KQZ dhe OSBE/ODIHR, mes partive politike ka pasur një konsensus të heshtur për të mos i dhënë fund këtij fenomeni. Edhe në zgjedhjet parlamentare të 25 prillit, partitë politike mund t’i zëvendësojnë në çdo kohë komisionerët e propozuar.  

Sipas Kodit të ndryshuar në vitin 2020, partia politike mund të zëvendësojë në çdo rast anëtarin e KZAZ-së, ndërsa për anëtarin e qendrës së votimit, është krijuar mundësia e dorëheqjes, çka detyron KZAZ-në ta zëvendësojë brenda dy orëve me propozim të partive përkatëse. Gjithashtu, në zgjedhjet e 25 prillit 2021, partitë kryesore politike mund të ndryshojnë numëruesit, tek të cilit dyshojnë për tradhti. 

Numri i zëvendësuar komisionerëve sipas zgjedhjeve 
28% në zgjedhjet për Kuvendin 2009
26% në zgjedhjet vendore 2011
36% në zgjedhjet për Kuvendin 2013
38% në zgjedhjet vendore 2015
18% në zgjedhjet për Kuvendin 2017
18% në zgjedhjet vendore 2019

Raporti i KQZ-së për Kuvendin

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59