Pas konfirmimit të rastit të parë në Kosovë Instituti i Shëndetit Publik në vendin tonë ka thënë se deri më tani në Shqipëri nuk ka asnjë rast të dyshuar.
Në një deklaratë për mediat zëvendësdrejtori i Institutit të Shëndetit Publik, Dritan Ulqinaku thotë se vigjilenca është rritur dhe mjekëve të familjes u janë dhënë udhëzimet përkatëse.
“Jemi njoftuar për rastin e konfirmuar në Kosovë. Është një rast i importuar që do të thotë se personi nuk është infektuar në Kosovë, por në Afrikën Perëndimore. Kjo nuk do të thotë që të flemë mbi dafina, por do të vazhdojmë punën tonë për parandalimin dhe sensibilizmin në radhë të parë të bluzave të bardha. Sigurisht kemi rritur masat e survejancës së sëmundjeve infektive, janë sensibilizuar, është shpërndarë përcaktimi i rastit. Nuk kemi rast të konfirmuar. Nuk kemi rast të dyshuar në Shqipëri", shprehet Dritan Ulqinaku.
Megjithë këtë as Shqipëria nuk është imune nga kjo sëmundje infektive, por mjekët thonë se nuk ka vend për panik. Lija e majmunit përhapet përmes kontaktit të ngushtë me personin e infektuar dhe raporteve intime. Ngjason me variçelën dhe diagonza vendoset përmes analizës laboratorike.
“Nuk jemi imun. Nuk është infeksion që përhapet në rrugë aerogene. Është një infeksion që përhapet me kontakt të ngushtë, me marrëdhënie seksuale dhe kontakt me lëkurën e personit të infektuar. Pra nuk presim nëse do të kemi një rast të konfirmuar në Shqipëri në ditë në vijim. nuk presim të ketë përhapje të madhe, besoj do arrijmë në gjendje ta lokalizojmë, të sensibilizojmë nëse do kemi rast të mundshëm.
Padiskutim që diagonza diferenciale nuk është e lehtë. Është laboratori që na ndihmon. Nëse do të kemi ndonjë rast që mund të rezultojë pozitiv kemi vaksina për bluzat e bardha dhe personat e kontaktit”, shtoi ai.
Krahas temperatures, skuqjes dhe flluskave në trup, lia e majmunit shkakton edhe fryrje të nyjeve limfatike. Në 95% të rasteve mjekët thonë se kalon pa probleme.
“Veçantia janë lezionet në lëkurë, ka temperaturë subfebrile, kemi puçrra të cilat janë në forma të qelbit që mund të çahen dhe keto mund të infektojnë të tjerët me prekje. Klinika shpesh herë është e lehtë. Në 100 raste në 95% kalon pa probleme ndërsa 5% do të dojë ndihmë më të specializuar spitalore”, përfundoi Ulqinaku.
Organizata Botërore e Shëndetësisë ka shpallur emergjencën shëndetësore globale nga lija e majmunit dhe aktualisht sëmundja është përhapur në 122 vende.
Komente
Lajme të tjera
-
OBSH shpall sërish linë e majmunëve si emergjencë globale për shëndetin publik
14 Gusht, 21:13 -
SPAK çon në GJKKO dosjen e dy grupeve kriminale/ Orë e bizhutë e vjedhura në Francë shiteshin në Shqipëri! Familja e shoferit të Ministrisë së Brendshme sillte para e mall kontrabandë
12 Qershor, 10:52 -
Kina do ta menaxhojë linë e majmunëve sikurse COVID-19
15 Shtator 2023, 09:07 -
OBSH: S’do e quajmë me ‘lija e majmunit’, është raciste! Kur s’është figura e majmunit, njerëzit e marrin më seriozisht sëmundjen
28 Nëntor 2022, 16:05 -
OBSH: Lija e majmunëve mbetet një emergjencë globale shëndetësore
1 Nëntor 2022, 17:12 -
Lija e majmunëve, OBSH: Ulen me 25% rastet në një javë në Europë
6 Shtator 2022, 15:58 -
Kubë/ Shënohet viktima e parë nga lija e majmunit, humb jetën 50-vjeçari italian
23 Gusht 2022, 10:52 -
Ministria e Shëndetësisë shton linë e majmunit në listën e sëmundjeve infektive
15 Gusht 2022, 21:03 -
Lija e majmunit, mijëra të huaj shkojnë në Kanada për të marrë vaksinën
13 Gusht 2022, 16:30 -
Konfirmohet rasti i parë i infektimit të një qeni me linë e majmunëve
12 Gusht 2022, 20:27 -
Analiza: Sa të shqetësuar duhet të jemi për emergjencën shëndetësore nga lija e majmunëve
26 Korrik 2022, 14:25 -
Ngrihet Komiteti i Ekspertëve për Linë e Majmunit, ministria e Shëndetësisë: Shqipëria me risk të ulët, po fuqizojmë kapacitetet
25 Korrik 2022, 14:41
