POP 5

Lajmet më të lexuara të 5 minutave të fundit

Politikë

Rauning: Të plotësohet KQZ-ja,
çpolitizim administratës zgjedhore

Kreu i OSBE-së, Florian Rauning ka  bërë thirrje për marrjen e masave të menjëhershme për të plotësuar vendet në Komisionin Qëndror të Zzgjedhjeve. Gjatë konferencës me temë “Kodi Zgjedhor: Mundësi për Përmirësim”, Raunig tha se tashmë është koha që Kodi Zgjedhor shqiptar të ndryshojë.
Rauning: Të plotësohet KQZ-ja,<br />çpolitizim administratës zgjedhore
Kreu i OSBE-së, Florian Rauning ka  bërë thirrje për marrjen e masave të menjëhershme për të plotësuar vendet në Komisionin Qëndror të Zzgjedhjeve. Gjatë konferencës me temë “Kodi Zgjedhor: Mundësi për Përmirësim”, Raunig tha se tashmë është koha që Kodi Zgjedhor shqiptar të ndryshojë. Sipas tij ai ka nevojë për disa amendime. Sipas ambasadorit, zgjedhjet janë një proces tejet i rëndësishëm, ndërsa përgjegjësia e tyre bie mbi partitë kryesore politike. Më tej ai i bëri thirrje Kuvendit të Shqipërisë të marrë masa për të plotësuar vakancat në KQZ, që ky institucion të funksionojë normalisht. 
 
"Zbatimi i duhur i ligjeve ekzistuese nga të gjithë aktorët e interesuar mbetet i një rëndësie të jashtëzakonshme për përmirësimin e procesit zgjedhor.  Komisioni Qendror i Zgjedhjeve (KQZ) ka prodhuar një paketë konkrete propozimesh në bazë të eksperiencës së tij me zgjedhjet e vitit 2013 dhe diskutimeve të organizuara me aktorët kryesorë në fushën e zgjedhjeve. KQZ-ja do t’ia dërgojë këto propozime Kuvendit, në mënyrë që ai t’i marrë parasysh për reformën e ardhshme zgjedhore, së bashku me rekomandimet e  OSBE/ODIHR-it. Prezenca e OSBE-së e përgëzon KQZ-në për këtë qasje proaktive. Me afrimin e zgjedhjeve vendore të radhës në mes të vitit 2015,  tani është pikërisht koha që autoritetet shqiptare të hartojnë një udhërrëfyes për zbatimin e rekomandimeve ende të pazbatuara të OSBE/ODIHR-it”, ka thënë kreu i OSBE-së, Florian Rauning.
 
Sipas tij  përgjegjësia më e madhe për zhvillimin e suksesshëm të zgjedhjeve bie kryesisht mbi partitë politike kryesore.
 
“Është shumë e rëndësishme që ato t’i përdorin kompetencat që u jep legjislacioni zgjedhor në mënyrë të përgjegjshme. Atmosfera e mosbesimit mes forcave politike që e ka njollosur mjedisin zgjedhor  dhe që e ka sfiduar administrimin e zgjedhjeve në Shqipëri duhet të marrë fund. Nevojitet ç’politizimi dhe fuqizimi i të gjithë administratës zgjedhore. Organet e administratës zgjedhore duhet të jenë plotësisht të pavarur dhe profesionale. Kuvendi shqiptar duhet të marrë hapa të menjëhershëm për të plotësuar vendet vakante në KQZ. Përbërja e pjesshme e KQZ-së e ka penguar ndjeshëm funksionimin e saj siç duhet, duke përfshirë edhe administrimin e zgjedhjeve. Si një hap konkret drejt çpolitizimit të administratës zgjedhore, Prezenca dhe Këshilli i Evropës po e ndihmojnë KQZ-në që të krijojë një platformë të përhershme trajnimi, e cila do t’u ofrojë trajnim të specializuar komisionerëve zgjedhorë dhe aktorëve të tjerë të interesuar për zgjedhjet gjatë të gjithë ciklit zgjedhor. Përmbushja e kuotës zgjedhore është një tjetër çështje që duhet shqyrtuar me kujdes. Zgjedhjet e vitit 2013 treguan se sistemi i zbatimit të sanksioneve financiare ndaj partive  politike që nuk përmbushin kuotën nuk garantoi përfaqësimin e grave në parlament. Mosregjistrimi i listave të kandidatëve të partive që nuk përmbushin kriteret e kuotës gjinore mund të jetë një opsion për zgjidhjen e çështjes.  Partitë politike duhet të sigurohen që të ketë rregulla të qarta dhe procese të brendshme demokratike për emërimin e kandidatëve në listat e tyre shumë-emërore. Kandidatet gra duhet të vendosen në një prej tre vëndeve kryesore të saj”, ka theksuar ambasadori i OSBE-së

Redaksia Online
(g.f/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë

Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë

25 Nëntor, 16:07