POP 5

Lajmet më të lexuara të 5 minutave të fundit

Politikë

Reagimet për Ilir Metën bashkëpunëtor i ish Sigurimit, Autoriteti i Dosjeve: Të interesuarit të ndjekin rrugën ligjore për informim

Reagimet për Ilir Metën bashkëpunëtor i ish Sigurimit, Autoriteti i Dosjeve: Të interesuarit të ndjekin rrugën ligjore për informim

Pas reagimeve të ndryshme për personin I.M, që është Ilir Meta, se ka bashkëpunëtor i Ish-Sigurimit të Shtetit, gjë e cila mohohet nga Partia e Lirisë, ka ardhur një tjetër deklaratë e autoritetit të dosjeve. Autoriteti i Dosjeve fton të gjithë të interesuarit të ndjekin rrugën ligjore për informim për këtë çështje dhe se ky institucion verifikon me përgjegjësi profesionale çdo pretendim mbi materiale të referuara apo kërkuara.

“Autoriteti për Informimin mbi Dokumentet e ish-Sigurimit të Shtetit doli me njoftim zyrtar më 26 korrik, mbi problematikat në verifikimin e pastërtisë së figurës së zyrtarëve, funksionarëve të lartë publikë dhe të zgjedhurve qendrorë e vendorë, informacione që iu përcollën, me propozimet përkatëse, Kuvendit të Shqipërisë.

Gjatë kësaj kohe, kanë qarkulluar shumë interpretime mbi informacionin e përcjellë nga institucioni. Autoriteti përgënjeshtron lajmet që referojnë vendime dhe dosje të shtetasve të ndryshëm, (si ai nr. 227, datë 27.05.2022) pjesë e punës së përditshme, të publikuara rregullisht në faqen zyrtare.

Institucioni fton të gjithë të interesuarit të ndjekin rrugën ligjore për informim, bazuar në ligjin nr. 119/2014, “Për të drejtën e informimit” dhe ligjin nr. 45/2015, i ndryshuar. Të drejtën e informimit për dosje të ish-Sigurimit të Shtetit mund ta ushtrojë çdo palë e prekur apo e përmendur. Autoriteti verifikon me përgjegjësi profesionale çdo pretendim mbi materiale të referuara apo kërkuara. Aktualisht, institucioni po trajton për përgjigje kërkesat për informim mbi njoftimin e datës 26 korrik.

Autoriteti nuk ndikohet në ushtrimin e veprimtarisë së tij për informim dhe vijon punën, bazuar në ligjshmëri, transparencë, mbrojtje të së drejtës për jetë private dhe të dhënave personale, mbrojtje të të dhënave që përbëjnë informacion të klasifikuar dhe bashkëpunim mes institucioneve shtetërore.

Institucioni është në pritje të ndryshimeve ligjore të propozuara, për të kryer kërkimet dhe verifikimet përkatëse për rastet, që do të marrin kohën e tyre të trajtimit. Rastet e referuara Kuvendit nuk janë objekt verifikimi, për shkak të pengesës ligjore të cituar më herët”, thuhet në reagimin e Autoritetit të Dosjeve.

Autoriteti për Informimin mbi Dokumentet e ish-Sigurimit të Shtetit deklaroi se mbetet në pritje të ndryshimeve ligjore të propozuara. Kjo, për të kryer kërkimet dhe verifikimet përkatëse për rastet, që do të marrin kohën e tyre të trajtimit. Sipas institucionit, rastet e referuara Kuvendit nuk janë objekt verifikimi, për shkak të pengesës ligjore.

Reagimi i Autoriteti i Dosjeve


Lajmi kryesor:

I doli emri si bashkëpunëtor i Sigurimit, Meta: Autoriteti i Dosjeve po manipulon dhe po kriminalizon dosjet! Po zhvendosin vëmendjen nga afera e inceneratorëve


K.T./Shqiptarja.com
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53