POP 5

Lajmet më të lexuara të 5 minutave të fundit

Bota

Pezullohen testimet e vaksinës së Oksfordit për COVID-19, ja çfarë ndodhi...

Prova e vaksinës për koronavirusin, po zhvilloheshin nga kompania "AstraZeneca" në bashkëpunim me Universitetin e Oksfordit u ndërprenë për shkak të reagimit të dyshimtë tek një pacient.

Kur e gjithë bota po konkurron se kush do të prodhojë vaksinën e parë anti-covid, njërës nga kompanive që është në garë i është ndërprerë prova e vaksinës.

Provat klinike për një vaksinë të koronavirusit, po zhvilloheshin nga kompania "AstraZeneca" në bashkëpunim me Universitetin e Oksfordit, por janë ndërprerë përkohësisht pasi tek një nga vullnetarët në Britani u panë reagime të dyshimta, të kundërta nga ajo që pritej.

Nuk janë dhënë detaje të shumta në lidhje me problemet që ka shfaqur personi, por ai është duke u kuruar.  

Këtë ngjarje "AstraZeneca" e përshkroi si tejet normale në rastin e "një sëmundjeje të pashpjegueshme", që sipas kompanisë kjo gjë mund të ndihmojë për rishikim të dhënave.

Vaksina e Universitetit AstraZeneca-Oxford, deri tani ka qenë një nga pretendentët më të fortë midis dhjetëra vaksinave që po zhvillohen globalisht.

Vaksina kishte kaluar me sukses dy provat e para, faza e tretë e provës ka përfshirë 30.000 pjesëmarrës nga SHBA, Britania, Brazili, Afrika e Jugut.

Zakonisht faza e tretë e një vaksine mund të zgjasë disa vite, por për shkak të situatës së jashtëzakonshme ekspertët po mundohen ta bëjnë të zgjasë vetëm disa muaj. 

Kompanitë, përfshirë "AstraZeneca", "Pfizer Inc" dhe "GlaxoSmithKline", u zotuan të ruanin standardet e sigurisë dhe efikasitetit shkencor për vaksinat e tyre eksperimentale, pas një rritje të shqetësimit se standardet e sigurisë mund të anashkalohen  përpara presionit politik për të pasur një vaksinë.

Rendit zhvillimet sipas orarit:
Ora 19:24
Pezullimi i provave klinike të vaksinës së Oksfordit/ Autoriteti Italian: Jo gjithmonë të këqijat vijnë për të bërë dëme…

Pas lajmit për pezullimin e provave klinike të vaksinës nga grupi farmaceutik Astrazeneca, një stuhi e vërtetë ka shpërthyer në mediat sociale.

Por për autoritetin Italian të shëndetësisë, jo të gjitha të këqijat vijnë për të bërë dëme…Matteo Bassetti, specialisti i sëmundjeve infektive të spitalit San Martino në Genoa tha se lajmi për pezullimin e provave të vaksinës tregon se kompanitë po punojnë me seriozitet dhe në mënyrë transparente

Ai u shpreh se lajmi është edhe një lloj goditje për ithtarët e ‘No Vax’, atyre që janë kundër vaksinimit.

"Ky është argumenti më i fortë që mund të kemi kundër atyre që flasin për dëmet e shkaktuara nga vaksina të cilët kanë paralajmëruar se ajo do të hidhej në treg pa u bërë kontrollet e duhura”

 Basseti tha se me siguri do të ketë një ngadalësim të procesit por në tërësi, tregon se kontrollet në procedurat eksperimentale janë më shumë se serioze dhe të besueshme. 

Pezullimi i përkohshëm i provave klinike të vaksinës erdhi rreth një javë pas njoftimit të marrëveshjes përfundimtare të AstraZeneca me Komisionin Europian. 

AstraZeneca ndaloi sot të gjitha provat klinike të vaksinës Covid-19 që po zhvillon bashkë me universitetin e Oksfordit pasi një pjesëmarrës në studimet klinike që mori vaksinën pësoi një efekt anësor serioz, që sipas informacioneve është një inflamacion i palcës kurrizore

AstraZeneca kishte qenë në rrugën e duhur për t'u bërë një nga prodhuesit e parë të ilaçeve që dha rezultate nga një provë e madhe e vaksinës Covid-19 në një garë ku shumë kompani farmaceutike po lëvizin me shpejtësi marramendëse.

Pas përhapjes së lajmit aksionet e kompanisë farmaceutike ranë më shumë se 6 përqind në bursën e Nju Jorkut

Nuk është e pazakontë që provat klinike të një vaksine të ndërpriten por kjo mund të jetë për  antidodin një shpresë e lëkundur në të ardhmen.
Edhe nëse vaksina e AstraZeneca miratohet, shqetësimet në lidhje me efektet anësore përsëri mund t'i pengojnë njerëzit të vaksinohen.
Ekspertët kanë ngritur shqetësimin se miratimi i një vaksine nuk mund të nxitohet dhe se procesi bëhet i politizuar.

AstraZeneca po komercializon vaksinën e krijuar nga studiuesit në universitetin e Oksfordit nën një marrëveshje të nënshkruar në prill. Për të përshpejtuar procesin, prodhuesi i ilaçeve ka filluar prodhimin para se të përfundojnë provat apo të miratohet vaksina.

Partneriteti - i cili ka marrë më shumë se 1 miliard dollarë financim nga Agjencia e Kërkimit dhe Zhvillimit të Avancuar Biomedical e SH.B.A. - ka rënë dakord të japë mbi 300 milion doza për qeverinë e SHBA.

Mbretëria e Bashkuar ka porositur 30 milionë doza të vaksinës së mundshme të AstraZeneca. Matt Hancock, sekretari i shëndetësisë në Mbretërinë e Bashkuar, këtë javë tha se "ka shumë të ngjarë" të jetë në dispozicion në fillim të 2021.

Të dhënat nga prova më e hershme e vaksinës dukeshin premtuese, duke prodhuar përgjigje të fuqishme imune dhe vetëm efekte anësore të lehta, të tilla si ato që mund të trajtohen me ilaçe pa recetë.

Paul Offit, një ekspert i sëmundjeve infektive në komitetin këshillues të vaksinave të FDA, tha se AstraZeneca do të duhet të shqyrtojë nëse efekti anësor mund të jetë shkaktuar nga një reagim imun ndaj vaksinës, apo ka të ngjarë të ketë lidhje me historinë mjekësore të vetë pjesëmarrësit në provat klinike.

Ora 16:31
Pezullohet vaksina e Oksfordit/ Çfarë ndodhi me vullnetarin që mori antidodin?

Sipas Ministrit Britanik të Shëndetësisë, Matt Hancock, pezullimi i provave klinike tw vaksinës së Oksfrodit dhe AstraZeneca u bë për shkak të një reagimi të padëshiruar të te një nga vullnetarët të cilëve iu është dhënë antidoti, i cili kishte arritur fazën e fundit të eksperimentit. Studiuesit po hetojnë simptomat e pacientit, për të kuptuar lidhjen e mundshme midis vaksinës dhe efektit anësorë

Hancock nuk përmendi llojin e problemit të shkaktuar, por sipas një burimi anonim për New York Times, pjesëmarrësi në provë u diagnostikua me një lloj inflamacioni të shtyllës kurrizore dhe që shpesh shkaktohet nga infeksione virale. Gazeta u përpoq të pyeste AstraZeneca e cila, megjithatë, refuzoi të komentonte mbi situatën e vullnetarit të provës, pa konfirmuar diagnozën e mielitit tërthor. "Ngjarja po hetohet nga një komitet i pavarur - shpjegoi kompania - dhe është shumë herët për të dale në përfundime”.

Ende nuk dihet se çfarë mund të shkaktojë këtë inflamacion, por dyshimi është se rezulton nga një reagim autoimun, kur sistemi imunitar lëshohet kundër indeve të trupit, sepse i percepton ato si një kërcënim. Në rastin e mielitit, indet e dëmtuara janë ato të palcës kurrizore.

Vaksina e Universitetit të Oksfordit mund ta ketë shkaktuar këtë inflamacion, pasi ajo mbështetet në një adenovirus të modifikuar për të bartur disa gjene të koronavirusit dhe në këtë mënyrë stimulon përgjigjen imune kundër virusit.

Për momentin, në çdo rast, këto janë hipoteza, të pa konfirmuara nga ndonjë diagnozë e caktuar. Për më tepër, "reagimi i padëshiruar" mund të mos jetë shkaktuar nga vaksina.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01