La Liga në Spanjë zhvilloi këtë të diel ndeshjet e mbetura për javën e tetë. Gjithçka nisi në mesditë, ku Celta Vigo dhe Girona barazuan 1-1. Ndërkohë sot spikat derbi i Madridit mes Atletico dhe Real. "Galaktikët" kërkojnë të përfitojnë nga humbja e Barcelonës dhe të afrohen në renditje.

Në 'Metropolitano' u ndërpre përkohësisht derbi mes Atletico Madridit dhe Real Madridit. Teksa po zhvillohej minuta e 68-të e takimit, tifozët e ekipit vendas filluan të hidhnin disa mjete të forta në drejtim të Thibaut Courtois, portierit të Real. Kjo e detyroi gjyqtarin e takimit që ta ndërpriste takimin për disa minuta dhe të dërgonte lojtarët në dhomat e zhveshjes.

Pas ndërprerjes së ndeshjes, kapiteni Koke dhe trajneri Diego Simeone u futën në fushë në përpjekje për t’i qetësuar tifozët. Kujtojmë se momentalisht Real Madridi ishte duke udhëhequr me rezultatin 1-0 falë golit të shënuar nga Eder Militao në minutën e 64-të.

Pas afro 10 minutash situata u qetësua dhe skuadrat u rikthyen në fushën e lojës për të rinisur gjithçka aty ku e lanë.

Në "Balaidos" Celta Vigo dhe Girona barazuan 1-1. Ishim miqtë nga Katalonja që kaluan në epërsi në minutën e 38-të, teksa nuk ia dolën që të mbanin epërsinë. Vetëm nëntë minuta nga fundi i ndeshjes, veterani Iago Aspas vendosi ekuilibrat dhe bëri që skuadrat të ndanin nga një pikë.

La Liga, raundi 8:

E diel, 29 shtator 2024

14:00 Celta Vigo 1-1 Girona

16:15 Ath. Bilbao 1-1 Sevilla

18:30 Betis 1-0 Espanyol

21:00 Atletico Madrid - Real Madrid

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera