Sonte në ‘Santiago Bernabeu’ do të zhvillohet ndeshja më e rëndësishme e ditës në Ligën e Kmapioneve, Real Madrid do të presë ekipit e Gallatasarait, ndërsa ndeshja tjetër do të jetë mes Borusias dhe Malagas, por vëmendja është përqendruar në Spanjë.

Pas Shnajder është sulmuesi Didier Drogba që nuk kursen respektin dhe mirënjohjen për Hose Murinjon. “Murinjo më ndryshoi jetën dhe për këtë i jam shumë mirënjohës, nuk e ekzagjëroj nëse deklaron që ai është babai im i dytë. Hoses i detyrohem shumë, sfida është mjaft e fortë, Reali është favorit, pasi ka një super ekip, por ne nuk do të dorëzohemi” deklaron Drogba.

Ndërsa Terim me ironi deklaron se lojën e Realit e kupton edhe një fëmijë. Por në Madrid po përgatiten për të mbyllur llogaritë me turqit që në ndeshjen e parë për të mos i hapur punë vetes në ndeshjen e kthimit, aty ku vendasit luajnë për jetë a vdekje. Murinjo deklaron se do të zbresë në fushë formacionin më të mirë, por akoma nuk është i vendosur për repartin e sulmit.


d.b/shqiptarja.com