Elita e futbollit spanjoll, La Liga është në raundin e 12-të. Me fillim nga ora 16:15 këtë të diel në "Vallecas" vendasit e Rayo Vallecanos ndalën në barazim 0-0 Real Madridin, në derbin e vogël të kryeqytetit spanjoll.

Edhe pse "Galaktikët" ishin superiorë në fushë dhe kontrolluan topin dhe lojën, mbrojtja e Vallecanos u tregua 'monumentale' dhe nuk lejoi që të prekej porta e mbrojtur nga Batalla. Më i miri i ndeshjes u shpall Guler me notën 7.9 sipas 'Sofa Score', por të dyja skuadrat në fund u gëzuan me nga një pikë.

Për Rayo Vallecanon në stol qëndroi Ivan Balliu. Mbrojtësi i Kombëtares duket se "u dënua" nga trajneri Inigo Perez, pas sherrit të mesjavës që dyshja pati në Conference League.

Me 31 pikë Real Madridi mban kreun e renditjes, ndjekur nga Villarreal me 26 pikë. Barcelona, e cila luan sot në orën 21:00 kundër Celta Vigos në udhëtim ka 25 pikë dhe me në fitore të mundshme mund të afrohet me "Galaktikët".

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera