Recep Tayyip Erdogan bën betimin si President i Turqisë pas rizgjedhjes

Recep Tayyip Erdogan bën betimin si President i Turqisë pas rizgjedhjes

Recep Tayyip Erdogan

Presidenti i Turqisë, Recep Tayyip Erdogan, bëri sot betimin në parlament si President i Turqisë edhe për një mandat tjetër pesëvjeçar pas raundit të dytë të votimeve.

Pas betimit në Parlamentin e Turqisë, Erdogan pritet të vizitojë Anitkabirin, muzeun e Mustafa Kemal Ataturkut, themeluesit të Republikës së Turqisë.

Më pas do të marrë pjesë në ceremoninë e inaugurimit që do të mbahet për të, ku janë të ftyar zyrtarë të nivelit të lartë nga 78 vende, duke përfshirë 21 krerë shtetesh, 13 kryeministra, zyrtarë të lartë, si dhe përfaqësues të organizatave ndërkombëtare, përfshirë NATO-n dhe Organizatën e Shteteve Turke dhe Organizatën e Bashkëpunimit Islam.

Pjesëmarrësit do të jenë pjesë e një darke në Pallatin Çankaya, ku do të priten nga Presidenti i sapo zgjedhur i Turqisë.

Në darkë do të shpallë kabinetin e tij të ri.

Kujtojmë se Erdoğan fitoi balotazhin presidencial të dielën e kaluar me një diferencë shumë të vogël nga kundërshtari i tij.

Erdogan arriti të merrte 52,18 për qind të votave, ndërsa opozita me Kemal Kılıçdaroğlu mori 47,82 për qind.

M.T/G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin