POP 5

Lajmet më të lexuara të 5 minutave të fundit

Ekonomi

Recesioni ekonomik në 2020 ishte 3.9% dhe jo 3.3%, 'Financat': 2022-2024 ekonomia do rritet me 4.4%, në 3 vitet e ardhshme investimet rriten me 6.4%

Ekonomia e vendit në vitin e kaluar ka pësuar një rënie prej 3.96% dhe jo 3.3% sa u parashikua në fillim. Rishikimi i recesionit është bërë nga Ministria e Financave në programit buxhetor afatmesëm për periudhën 2022–2024. Ndërkohë në 3 vitet e ardhshme pritet rritje ekonomike prej 4.4% dhe rimëkëmbje e investimeve me 6.4%.

TIRANË-Ekonomia e vendit është goditur më fort se sa është thënë deri më tani nga pandemia COVID-19. Recesioni ekonomik në vitin e kaluar ishte 3.96% dhe jo 3.3% thuhet në analizën e bërë për situatën ekonomike në programit buxhetor afatmesëm për periudhën 2022–2024 i hartuar nga Ministria e Financave dhe Ekonomisë.

Ndërkohë pritshmëritë janë për të pasur një rritje 5.5% këtë vit, ndërsa në periudhën afatmesme 2022-2024 rritja do të jetë 4.4%. Ndikim kryesor në rritjen ekonomike në vijim, do të japë relaksimi i situatës pandemike, rritja e investimeve si dhe përmirësimi i konsumit.

Investimet pritet të rriten me 6.4% në 3 vitet e ardhshme dhe do të nxiten më shumë nga shtimi i kapaciteteve të prodhimit, përshpejtimi i aktivitetit ekonomik si dhe përmirësimi i gjendjes së biznesit. Po ashtu edhe kreditimi do të luaj rol të rëndësishëm në rritjen e investimeve në Shqipëri. Ndërkohë sa i takon konsumit për periudhën 3 vjeçar pritet rritje me 3%, dhe do të ndikojë 2.7% në rritjen e PBB-së.

Shëndetësia, arsimi dhe bujqësia do të jenë në fokus të qeverisë deri në vitin 2024. Në sektorin e arsimit fokusi do të jetë tek financimi i ndërtimit dhe i rikonstruksionit të130-150 objekteve arsimore ndërsa tek shëndetësia do përmbyllet rikonstruksioni i 300 qendrave shëndetësore (projekt i nisur në 2018) dhe do punohet për rikonstruksionin e godinave spitalore.

Ndërsa do jetë fokusi tek ulja papunësisë dhe integrimi në tregun e punës të kategorive të margjinalizuara. Nga ana tjetër do të rriten fondet për bujqësinë me qëllim shtimin e fermerëve që përfitojnë nga skemat mbështetëse, si dhe do të rikonstruktohen qendra shëndetësore dhe spitale.

Sa i takon politikave fiskale ato do të bazohen kryesisht drejt reduktimit të informaliteti në ekonomi si dhe rritja e mirë-administrimit fiskal.

Ndërkohë sipas këtij dokumenti i cili tashmë ka hyrë në fuqi deficiti fiskal në vitin e ardhëm do të jetë 2.9%, nga 6.5% që është parashikuar këtë vit, ndërsa do të zbresë në 2.3% në vitin 2023 dhe do të jetë 2% në vitin 2024. Kurse borxhi publik pritet të zbresë në 68% në vitin 2025.

 

RRITJA EKONOMIKE

Viti 2022    4.8%

Viti 2023    4.5%

Viti 2024    3.9%

 

INVESTIMET NË SHËNDETËSI

Pediatria e Spitalit Durrës 200 mln lekë

Rikonstruksioni i maternitetit ‘Mbretëresha Geraldinë’ 803 milionë lekë

Rikonstruksion materniteti në spitalin rajonal Lezhë 353.6 milionë lekë

Rikonstruksion e shtesa në maternitetin e spitalit rajonal Berat 213.7 milionë lekë.

Rikonstruksioni i Qendrës Kombëtare të Mirërritjes, Zhvillimit dhe Rehabilitimit të Fëmijëve 145 milionë lekë

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça