Të gatuajmë me Zonjën Vjollca: Kocë mediterran në letër/ Kallamarë në tigan/ Sallatë me patate

Receta e parë: Kocë mediterran në letër

Përgatitja:

2 peshq koc ose levrek

2 lç kaperi

1 degë domate qershi

12-14 ullinj të zi

Kripë dhe piper

Vaj ulliri

Letër pjekje

Fije kuzhine

Përbërësit:

Lajmë, pastrojmë peshkun dhe mund ta ndajmë edhe në dy pjesë. Vendosim në tryezë një copë letër kuzhine sa për të mbështjellë peshkun. Në qendër të tij spërkatim letrën me 1 lugë çaji vaj ulliri. Mbi vaj përhapim gjysmë lugë çajo kaperi, 2-3 domate qershi të prera ne gjysma, 3-4 kokrra ulliri dhe mbi këto përbërës vendosim peshkun. E spërkatim me kripë e piper dhe e mbushim atë me po ato përbërës që vendosëm dhe në letër, kaperi, domate qershi e ullinj. E spërkatim peshkun përsëri me pak vaj dhe e mbështjellim atë si karamele duke lidhur me fije kuzhine pjesët anësore të letrës.

Kështu vazhdojmë dhe me peshkun tjetër. Vendosim peshkun në tavë e më pas në furrë në temperaturën 190ºC për 20 minuta. Më pas e shërbejmë po në letër, të ngrohtë.

Kocë mediterran në letër

Receta e dytë: Kallamarë në tigan

Përbërësit:

500 gr kallamarë

1 qepë e vogël

1 thelb hudhër

200 gr domate të qëruara

1/2 tufë majdanoz

1 lgj stika pishe

1 lgj rrush i thatë

Vaj ulliri

Kripë dhe piper i zi

Përgatitja:

Në një tigan të thellë ngrohim vajin, e aromatizojmë atë me 1 thelb hudhër. Shtojmë qepën e grirë shumë imët dhe e kaurdisim deri sa të bëhet transparente. Shtojmë majdanozin e grirë imët, stikat e pishës, rrushin e thatë dhe i kaurdisim së bashku për 1 minutë. Shtojmë domatet, kallamarët e prerë në unaza me trashësi 0,5 cm, kripë e piper të zi dhe 1 gotë ujë.

E lëmë të ziejë 10 minuta dhe e largojmë duke e shërbyer të ngrohtë.

Kallamarë në tigan

Receta e tretë: Sallatë me patate

Përbërësit:

500 gr patate

1 qepë e kuqe

100 ml lëng perimesh

3 lgj uthull

1 majë luge sheqer

1 kastravec

4 rrepa të kuq

1 lgj kopër e grirë

3 lgj vaj ulliri

Kripë

Përgatitja:

Lajmë mirë patatet, i ziejmë ato për 25 minuta në ujë të vluar. Derdhim ujin dhe i qërojmë ato sa janë të ngrohta dhe i lëmë të ftohen. Më pas i presim patatet në feta dhe i spërkasim me pak kripë. Qepën e presim në shirita dhe e vendosim të ziejë në lëng perimesh, uthull, një majë luge sheqer dhe pasi të ziejë për pak minuta e shtojmë mbi patatet e prera. Shtojmë vajin e ullirit, e përziejmë mirë me patatet dhe i lëmë të marinohen për 30 minuta të mbuluara. Presim kastarvecin në feta të holla, gjithashtu dhe rrepat dhe i shtojmë në sallatë. 10 minuta para se ta shërbejmë sallatën, e spërkatim me kopër të grirë.

Sallatë me patate

b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali