POP 5

Lajmet më të lexuara të 5 minutave të fundit

Kronikë

Redjan Rraja në gjyq, dëshmon prokurori Arjan Ndoja: Unë isha shënjestra, e dëshmojnë edhe pamjet e makinës! Nuk kam pasur asnjë problem me ta

Ka nisur sot procesi gjyqësor për atentatin ndaj prokurorit Arjan Ndoja në vitin 2019. Në bangën e të akuzuarve  janë 2 të pandehur. Janë dërguar në gjykatë Redjan Rraja dhe Ariol Halilaj nën akuzë për 6 vepra penale, për vrasje, armëmbajtje pa leje, grup kriminal,. vjedhje dhe kryerja e veprave penale si grup kriminal.

Ka nisur sot procesi gjyqësor për atentatin ndaj prokurorit Arjan Ndoja në vitin 2019. Në bangën e të akuzuarve nga SPAK  janë 2 të pandehur. Janë dërguar në GJKKO Redjan Rraja dhe Ariol Halilaj nën akuzë për 6 vepra penale, për vrasje, armëmbajtje pa leje, grup kriminal,. vjedhje dhe kryerja e veprave penale si grup kriminal.

Ditën e sotme ka dëshmuar vetë prokurori Ndoja, i cili ka thënë se ai ka qenë shënjestra e atentatit dhe këtë e tregojnë edhe pamjet e makinës. Sipas Ndojës plumbat janë qëlluar nga ana ku ai ishte ulur si pasagjer. Prokurori Ndoja i tregoi ato fotot edhe në seancën gjyqësore. Ai ka nënvizuar gjithashtu se para se të ndodhte ngjarja nuk ka pasur asnjë shqetësim, përveçse deklarimet e bërë nga Kryeministri Zv. kryeministri. Por sipas tij  edhe për këtë fakt është bërë kallzim nga Drejtoria e Përgjithshme e Policisë dhe është vendos mosfillim nga prokurori i Prokurorisë së Posaçme Edvin Kondili. 

Ndoja ka thënë gjithashtu se nuk ka pasur asnjë çështje të hapur me atentatorët dhe është detyrë e institucioneve që ta gjejnë arsyen e atentatit. 

Ngjarja ndodhi më 1 nëntor të vitit 2019 në autostradën Tiranë-Durrës në afërsi të mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i "forti i Sukthit", Landi Muharremi nga Sukthi, dhe me Andi Malokun, ish-punonjës i policisë në komisariatin e Krujës, aktualisht shofer i prokurorit.

Makinës 'Benz' me targë AA 333 ZD (që rezultoi në pronësi të Fadil Çallikut) dhe në përdorim nga Prokurori Ndoja, ju bë atentat pranë mbikalimit të Shkozetit kur u qëllua ndaj tyre me breshëri automatiku nga një tjetër automjet. Pas breshërisë së tetë plumbave makina doli nga rruga, ndërsa të plagosurit janë transportuar me makinë private. Në spital humbi jetën shoferi i prokurorit, Andi Maloku 30 vjeç, i cili kishte marrë një plumb në gjoks dhe nuk mundi t'i mbijetonte plagëve.

Landi Muharremi u bë subjekt i Operacionit Forca e Ligjit duke i sekuestruar makinën e blinduar të Landi Muharremit, i njohur me pseudonimin 'Rrumi' nga Shijaku. Makina e blinduar e Landi Muharremit është Audi dhe sekuestrimi është bërë mbi dyshimet se është vendosur me veprimtari të jashtëligjshme.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin

26 Dhjetor, 21:56