Kryetari i Bashkisë së Tiranës, Erion Veliaj, priti sot në një takim homologen e tij, kryetaren e Komunës së Tetovës, Teuta Arifi, me të cilën diskutoi mbi mundësitë e bashkëpunimit mes dy qyteteve, si dhe çuarjen përpara të koordinimit të rrjetit të kryetarëve të bashkive dhe komunave që drejtohen nga shqiptarët në rajon. Një vëmendje e veçantë iu kushtua edhe zhvillimeve në Maqedoni, më konkretisht referendumit që do mbahet në datën 30 shtator, për miratimin e marrëveshjes mes Maqedonisë dhe Greqisë. Veliaj theksoi se është e domosdoshme, jo vetëm vota pro, por edhe pjesëmarrja e madhe në votime.
“Sfida për referendumin e datës 30 shtator është një sfidë kombëtare edhe për ne. Do të thotë: jemi aksionerë të së kaluarës apo aksionerë të së ardhmes? Nëse jemi aksionerë të së ardhmes, duhet me dalë në votim, duhet me u numëru ditën që numërohet vullneti ynë. Besoj se ky është një shans historik, jo vetëm për shtetin maqedonas, por edhe për gjithë bashkëkombësit shqiptarë në Maqedoni, për të qenë të pranishëm aty ku vendoset e ardhmja”, u shpreh kryebashkiaku Veliaj.
Ndaj, ai i bëri thirrje të gjithë qytetarëve shqiptarë në Maqedoni që ta shfrytëzojnë këtë mundësi për t’i dhënë Maqedonisë shansin që të tregojë vlerat e saj perëndimore. “Ky është një shans historik dhe dua t’i bëj një thirrje të gjithë qytetarëve, jo vetëm atyre të Tetovës, por në të gjitha komunat ku ka qytetarë shqiptarë, që në këtë mision dhe në këtë thirrje historike të jemi prezentë; në datën 30 shtator të themi “Po”, bashkë me Shqipërinë, duam të anëtarësohemi në BE, ta bëjmë së bashku këtë udhëtim, që të arrijmë së bashku në destinacion. Jam i bindur se shqiptari sa herë ka patur thirrje për të qenë në anën e duhur të historisë, i është përgjigjur kësaj thirrje, dhe mezi pres që në datën 30 shtator ne shqiptarët të dalim faqebardhë dhe të themi jo veçse me fjalë, por edhe me vepra se jemi pro Europës, pro zhvillimit”, u shpreh Veliaj.
Kryebashkiaku shtoi se ky është një shans historik që Maqedonia dhe Shqipëria të ecin së bashku në rrugën e tyre drejt anëtarësimit në Bashkimin Europian. “Të shkojmë për dore në BE, edhe Shqipëria, edhe Maqedonia. Do të thotë, shqiptarët andej dhe këtej kufirit; ky duhet të jetë një udhëtim çift, bashkë me Maqedoninë. Shqiptarët kanë një shans historik për të thënë që jemi në anën e duhur të historisë. Nuk besoj se kemi pasur ndonjëherë në histori miq dhe avokatë më të mëdhenj se SHBA dhe BE. Tani do të na duhet të reciprokojmë; Kur kemi patur nevojë, ata kanë qenë aty për ne, sot që pyetemi: “A jemi pro Europës? A Jemi pro perëndimit, progresit dhe zhvillimit?”, përgjigja jonë duhet të jetë Po”, deklaroi Veliaj.
Kryetarja e Komunës së Tetovës, Teuta Arifi e konsideroi referendumin e datës 30 shtator si një mundësi të jashtëzakonshme që i jepet qytetarëve të Maqedonisë për të vendosur për ardhmërinë e vendit të tyre drejt NATO-s dhe Bashkimit Europian. “Është shumë e rëndësishme që më 30 shtator ky referendum të ketë sukses, e në të njëjtën kohë, të vazhdojë procesi i aderimit të Maqedonisë në NATO dhe i hapjes së negociatave, të cilat bashkë me Shqipërinë, janë përcaktuar të jenë verën e ardhshme, që përfundimisht vendet tona të kenë atë ardhmëri që qytetarët tanë të jenë qytetarë të Bashkimit Europian”, tha Teuta Arifi.
Gjithashtu, ajo bëri të ditur se gjatë këtij takimi u diskutua edhe për vijimin e bashkëpunimit mes bashkive të të dyja qyteteve dhe në mënyrë të veçantë i tryezës së kryebashkiakëve shqiptarë të rajonit. “Diskutuam mbi vijimësinë e takimeve të lidhjes së kryetarëve të bashkive shqiptare, takimi i radhës së të cilës do të mbahet pikërisht në Maqedoni, dhe për temat të cilat do t’i diskutojmë së bashku”, përfundoi kryetarja e Komunës së Tetovës, Teuta Arifi.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50 -
Më 28 nëntor mbahet në Tiranë parada kuqezi, Veliaj thirrje shqiptarëve: Eja festojmë në zemër të qytetit me këngët nga çdo trevë shqiptare
6 Nëntor, 16:13 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12
