Një sistem informativ i menaxhimit të burimeve njerëzore në administratën publike do të ndërtohet deri në fund të 2016-ës. Ky projekt i ri i qeverisë synon një përditësim më të saktë ndërmjet listëpagesave dhe shpenzimeve reale që shkojnë për pagat e punonjësve buxhetorë.

Në çdo njësi të re të qeverisjes vendore, do të krijohet një bazë të dhënash për menaxhimin e burimeve njerëzore, duke siguruar kështu një menaxhim efektiv të financave dhe pagesave në nivel vendor. Projekti është rekomanduar dhe po udhëhiqet nga Banka Botërore.