PS dhe PD grup të përbashkët pune për paketë të re ndryshimesh për Reformën në Drejtësi! Ja emrat

TIRANË- Komisioni i Ligjeve ka vendosur që të ngrejë një grup pune të përbashkët mazhorancë-opozitë për të përgatitur një paketë të re ndryshimesh për ligjet e reformës në drejtësi.

Report Tv mëson se ky grup pune do të përbëhet nga 3 deputetë të PS-së,  më konkretisht Klotilda Bushka, Toni Gogu dhe Klevis Xhoxhi si dhe 2 përfaqësues nga Partia Demokratike, Gazmend Bardhi dhe Dhurata Çupi.

Kryetarja e Komisionit të Ligjeve, Klotilda Bushka është shprehur se nevoja për ndryshime ka ardhur pas raportimeve të krerëve të institucioneve të pavarura, me qëllimin për të përmirësuar funksionalitetin e sistemit të drejtësisë, por pa e specifikuar konkretisht se për çfarë bëhet fjalë.

“Me vendim të Kryesisë së Komisionit në vijim të raportimeve të institucioneve të pavarura dhe të nevojave që ngritën institucionet e drejtësisë për disa ndryshime në kuadër të përmirësimit të funksionalitetit të sistemit të drejtësisë është ngritur një grup pune me përfaqësues nga PD dhe PS që po punon së bashku me ekspertët dhe partnerët ndërkombëtar për adresimin e këtyre shqetësimeve”, është shprehur Bushka.

Më herët, një nga pikat që qeveria ka propozuar ndryshime ka të bëjë me ligjin për gjyqtarët dhe prokurorët, sipas së cilëve kush shkel ligjin pezullohet menjëherë nga detyra, duke i hequr mbrojtjen 3 ditore që ka aktualisht.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është Shqipëria në rrugën e duhur pas 110 viteve pavarësi?



×

Lajmi i fundit

FOTO/ Totti i përket së shkuarës, Ilary Blassi 'bën publike' romancën e re

FOTO/ Totti i përket së shkuarës, Ilary Blassi 'bën publike' romancën e re