Reforma territoriale, Çuçi: Do të
decentralizojmë pushtetin vendo

Konsolidimi i reformës territoriale nis me krijimin e zonave funksionale në të gjithë vendin. Për ministrin e pushtetit vendor Bledi Çuçi reforma për ndarjen e re territoriale nuk përfundon me hartën e re , por me hapat që do të hidhen pas procesit elektoral të 21 qershorit , ku synohet procesi i decentralizimit.

Thelbi i filozofisë së ndarjes territoriale lidhet me krijimin e zonave funksionale, të cilat sigurojnë konsolidimin e mëtejshëm të reformës si dhe forcimin e bashkive të reja që dalin pas zgjedhjeve të 21 qershorit. Sipas ministrit të pushtetit vendor, Bledi Çuçi është bërë një punë e madhe në këtë drejtim por implementimi i plotë i reformës kërkon kohë .

Deklarata e ministrit Çuçi u bë gjatë punimeve të konferencës së mbështetur nga programi zviceran për zhvillimin vendor dhe decentralizmin. Ambasadori i Zvicrës e konsideroi një hap të rëndësishëm atë të realizimit të reformës administrative.

Shqipëria sapo ka riorganizuar njësitë territoriale. Ky është një hap i madh që mbart mundësi për një administrim më të mirë të vendit, por gjithashtu sjell sfida dhe pengesa me të cilat duhet të merremi sëbashku. Është koha që ta shohim këtë reformë të zbatuar më shumë se sa thjesht një hartë dhe ta përkthejmë atë në përfitime të dukshme për qytetarët në gjithë vendin.

Programi zviceran fokusohet në krijimin e zonave funksionale, i cili propozon që territoret mund të përcaktohen si zona funksionale të cilat nuk ndjekin në mënyrë strikte hartën administrative, por lidhjet demografike ekonomike dhe historike. Programi i zonave është aktiv në 9 njësi të qeverisjes vendore.

Redaksia Online
(m.p/shqiptarja.com)