Reforma Zgjedhore, Çuçi: Të dyja palët e partisë së bërë copë e çikë zhyten më keq në krizën ku kanë rënë! Sot pyetja me kë të flasësh mori përgjigje të qartë

Kreu i Grupit Parlamentar të Partisë Socialiste, Bledi Çuçi, dënon bllokimin që i bënë sot disa deputetë të opozitës mbledhjes së Komisionit të Reformës Zgjedhore. Përmes një deklarate Çuçi thotë se pyetja me kë të flasësh mori përgjigje të qartë. Sipas tij nga njëra anë janë ata që bëjnë skena dhune dhe pengojnë deputetët, nga ana tjetër janë ata që edhe kur thërrasin vetë Komisionin e Reformës Zgjedhore nuk paraqiten në mbledhje. Shqiptarët e kanë të qartë zgjedhjen thekson Çuçi, Partinë Socialiste.

'Pyetja “me kë të flasësh” mori përgjigje më qartë se kurrë sot. Me ata të revolucionit të karrigeve që përsërisin skenat e dhunës sa tek selia e tyre e sa në Kuvend nga njëra anë, apo me ata që edhe kur thërrasin vetë Komisionin e Reformës Zgjedhore nuk paraqiten në mbledhje? Të dyja palët e partisë së bërë copë e çikë përveçse zhyten më keq në krizën ku kanë rënë prej vulës së humbur dhe sikletit me drejtësinë e re, nuk e pengojnë dot as reformën zgjedhore dhe as jetën parlamentare. Gjithesesi shqiptarët janë gjithmonë e më të qarte ne pergjigjen e tyre per Shqiperine. Partia Socialiste!'- thotë Çuçi.

LEXO EDHE:
Kuvend/ Opozita: Parlamenti të distancohet nga sjellja e Ramës ndaj Rai3! PS: Sulm i turpshëm, balta e Tiranës u paketua edhe në italisht

Lajmi kryesor:

Dështon mbledhja e komisionit të Reformës Zgjedhore, deputetët e Bardhit e Berishës e bllokojnë! Gjiknuri: Veprime vandale! Ecim para dhe pa ta

M.Q./Shqiptarja.com

TAG:
• reforma zgjedhore
• damian gjiknuri
• enkelejd alibeaj
• gazment bardhi
• PD