OSBE/ODIHR ka përgëzuar angazhimin e autoriteteve shqiptare për të rifilluar Reformën Zgjedhore të vendit para zgjedhjeve parlamentare 2025.
Në deklaratën e publikuar në rrjetin social X, drejtori i ODIHR Matteo Mecacci u kërkoi të gjitha partive politike të angazhohen për konsultime të hapura dhe gjithëpërfshirëse në vijim.
"Ne përshëndesim vendimin e autoriteteve shqiptare për të rinovuar angazhimin e tyre ndaj këtyre reformave jetike deri tani përpara zgjedhjeve," tha drejtori i ODIHR Matteo Mecacci. "Ne u kërkojmë të gjitha partive të angazhohen për konsultime të hapura dhe gjithëpërfshirëse në muajt në vazhdim, duke siguruar që reformat që rezultojnë të përmirësojnë procesin zgjedhor në dobi të të gjithë shqiptarëve."
Në deklaratë theksohet se është shumë e rëndësishme vendosja e objektivave me përparësi parandalimin e keqpërdorimit të burimeve publike dhe blerjes së votave.
“Është me rëndësi vendimtare vendosja e objektivave praktike dhe realisht të arritshme që fokusohen në zbatimin e rekomandimeve të mëparshme të ODIHR-it dhe adresimin e mangësive të vërejtura gjatë zgjedhjeve të kaluara, në përputhje me standardet ndërkombëtare. Përparësitë kryesore përfshijnë parandalimin e keqpërdorimit të burimeve publike dhe blerjen e votave, garantimin e fshehtësisë së votimit, ruajtjen e lirisë së medias dhe rritjen e efektivitetit të administratës zgjedhore”- thuhet në deklaratën e ODIHR.
Thirrja e OSBE/ODIHR për Reformën Zgjedhore, për Lulzim Bashën është një mesazh për të lënë lojërat politike e për të siguruar rregulla të barabarta lojë në zgjedhjet e ardhshme.
“I bëj thirrje të gjitha palëve të ndalin lojërat politike për interesa vetjake dhe të nisim punën gjithëpërfshirëse për t'u dhënë shqiptarëve një Reformë Zgjedhore në përputhje me pritshmëritë dhe aspiratat e tyre”- tha Basha.
Por Gazment Bardhi mendon ndryshe! Thirrja e OSBE/ODIHR për të, shkon drejtpërdrejtë te Lulzim Basha dhe socialistët, që të mos bëjnë, sipas tij, një proces farsë të Reformës Zgjedhore.
Në këtë kushte, Bardhi paralajmëron sërish bllokim të punës së Komisionit të Reformës Zgjedhore. Ndryshe nga Basha, që prioritet ka vendosur listat e hapura e Shqipëria një zonë zgjedhore, Bardhi thotë se Reforma duhet të nisë nga zhbërja e ndryshimeve kushtetuese që hoqën koalicionet.
Prezenca e OSBE në Tiranë është angazhuar për të asistuar një reformë gjithëpërfshirëse duke bërë thirrje për arritjen e marrëveshjeve mes palëve politike. Përfaqësuesja e OSBE/ODIHR Clarisse Pasztory zhvilloi takime me bashkëkryetarët e komisionit bipartizan për Reformën Zgjedhore, Enkelejd Alibeajn dhe Damian Gjinkurin të cilëve u bëri me dije se priste përshpejtimin e punës.
Më pas pati edhe një takim me Bardhin dhe përfaqësues të tjerë opozitarë. Por pavarësisht këtyre takimeve, deputetët e grupit Bardhi-Berisha bllokuan mbledhjen e Komisionit të Reformës Zgedhore që ishte planifikuar të mbahej në 19 janar. Bardhi tha se nuk përfaqësohen nga Alibeaj si bashkëkryetar dhe kërkoi zëvendësimin e tij. Ndërsa mbledhja e radhës së komisionit pritet të mbahet të premten (26 janar) në sallën Pjetër Arbnori.
Kryedemokrati Lulzim Basha ka reaguar pas thirrjes së OSBE/ODIHR për partitë politike që këto të fundit ta angazhohen në konsultime gjithëpërfshirëse sa i takon Reformës Zgjedhore.
Nëpërmjet një postimi në rrjetin social “X”, Basha u bën thirrje deputetëve të grupit Bardhi dhe Berisha të cilët bllokuan mbledhjen e 19 janarit që të ndalin lojërat politike dhe të nisin punën për Reformën Zgjedhore.
“Vlerësoj thirrjen dhe qëndrimin e OSBE/ODIHR për nevojën e menjëhershme të fillimit të punës për Reformën Zgjedhore. I bëj thirrje të gjitha palëve të ndalin lojërat politike për interesa vetjake dhe të nisim punën gjithpërfshirëse për t'u dhënë shqiptarëve një Reformë Zgjedhore në përputhje me pritshmëritë dhe aspiratat e tyre”- shprehet Basha.
Lajme të tjera
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Humbi ndjenjat në protestë, videoja që rrëzon pretendimin e Gjekmarkajt! QSUT: S'ka problem shëndetësor! Policia: S'e goditi askush! Deputeti: Më shtynë brutalisht
24 Dhjetor, 11:02 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44
