POP 5

Lajmet më të lexuara të 5 minutave të fundit

Politikë

‘Emigrantët në Lezhë’/ Debate në Këshillin Bashkiak, demokratët kundër marrëveshjes ‘Rama-Meloni’: Nuk është konsultuar me qytetarët

Marrëveshja mes Shqipërisë dhe Italisë për strehimin e refugjatëve në Shëngjin dhe Gjadër kundërshtohet nga demokratët në Lezhë. Ata kërkuan interpelancë me kryebashkiakun Pjerin Ndreu në mbledhjen e këshillit bashkiak.

Marrëveshja mes Shqipërisë dhe Italisë që e kthen Lezhën në qender pritëse për refugjatën e Linjdes u bë objekt debati mes opozitës dhe mazhorances në Këshillin Bashkiak. Sipas demokratëve, zbatimi i kësaj marrëveshje pa u konsultuar me komunitetin do të sjellë pasoja afatgjate në jeten social-ekonomike dhe për rendin e sigurinë në Lezhë.

“A ka kërkuar bashkia e Lezhës informacion të detajuar mbi këtë marrëveshje. Pse nuk është konsultuar me qytetarët e saj”, tha Alfrida Marku këshilltare e PD.

“Është problem shumë sensitiv dhe jeni indiferent Pse u zgjodh Lezha ne i pritën afganët, pse duan ti sjellin sërish këtu?”, tha Donika Haxhia këshilltare e BF-së.

Nënkryetari i Bashkisë Lezhë, Ermal Pacaj dhe përfaqësuesi i Partisë Socialiste Erin Ndreca thanë se demokratët po përdorin refugjatët për qëllime politike.

“Porti i Shëngjinit dhe aerodromi i Gjadrit janë në territorin e Lezhës, por janë në pronësi të Ministrisë së Financave dhe asaj të Mbrojtjes. Vendimi për këto objekte që do përdoren për refugjatët është marrë nga qeveria jo nga bashkia e Lezhës. Ju po e përdorni këtë ccështje vetëm për politikë”, tha Ermal Pacaj n/kryetar i bashkise Lezhë.

Përfaqësuesit e djathtë në këshill kishin kërkuar interpelance me kryebashkiakun Pjerin Ndreu për marrëveshjen “Rama-Meloni”, por kjo çështje nuk u fut në rend dite ndaj diskutimet u zhvilluan pa praninë e tij.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02