POP 5

Lajmet më të lexuara të 5 minutave të fundit

Sport

Refuzuan 500 mijë euro për Muçin? Reagon klubi i Tiranës: Po na dëmtojnë, s'na ka kontaktuar askush!

Ofertat 500 mijë euroshe të raportuara së fundmi për futbollistin Ernest Muçi nuk janë të vërteta. Për Report Tv drejtues të Tiranës thotë se këto janë spekulime të cilat bëhen për të dëmtuar klubin, ndërsa sfidojnë të interesuarit duke thënë se janë në pritje të një oferte zyrtare.

Ernest Muçi, futbollisti i talentuar i Tiranës është përfshirë edhe njëherë në vorbullën e merkatos. Së fundmi është përfolur se për ‘bomberin’ e vogël ka ardhur një ofertë e majme nga klubi i Gent në Belgjikë, që shkon deri në 500 mijë euro, por klubi i Tiranës e ka refuzuar.

Gjithsesi këto pretendime janë hedhur poshtë për Report Tv nga vetë klubi i Tiranës. Këta të fundit thonë se pavarësisht shfaqjes së interesit në mënyrë sporadike nuk ka asnjë ofertë konkrete.

Klubi i Tiranës fton menaxherët e futbollistit, por këdo klub që shfaq interes për 19-vjeçarin, që të paraqesë ofertën zyrtare, pasi pretendon se këto janë spekulime për të dëmtuar klubin. Gjithsesi Tirana thotë se edhe nëse ndonjë ofertë vjen, ata nuk do të heqin dorë nga shërbimet e futbollistit, pasi pretendojnë që këtë sezon të rikonfirmohen si kampionë të Shqipërisë.

Muçi u përfol shumë për një largim edhe në merkaton e verës, por ashtu si edhe këtë janar, klubi pati deklaruar se nuk e shet futbollistin. Aktualisht Tirana dhe Ernest Muçi janë të lidhur me një kontratë e cila skadon në fund të sezonit.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33