Deputetët e Partisë Demokratike, Arben Ristani dhe Kastriot Islami, janë pritur ditën e sotme nga Avokati i Popullit Igli Totozani. Arsyeja e këtij takimi ishte shqetësimi që ngrinin këta dy deputet mbi Vendimin e Këshillit të Ministrave për ngritjen e bazës së të dhënave IMEI dhe regjistrimin e numrave të IMEI të aparatëve celularë që përdoren në rrjetet e shërbimeve të komunikimeve mobile. Sipas të dy deputetëve të PD ky vendim i Këshillit të Ministrave është një shkelje e hapur e të drejtave të njeriut.
Nga ana e tij Avokati i Popullit Totozani dëgjoi me vëmendje pretendimet e dy deputetëve të opozitës, por i’u desh ti përcillte ata me idenë se fillimisht duhet të shqyrtonte nëse, çështja në fjalë, është brenda fushës së kompetencave të institucionit të tij.
Redaksia Online
(g.f/shqiptarja.com)