POP 5

Lajmet më të lexuara të 5 minutave të fundit

Ekonomi

Rehabilitimi i Fierzës, vendi do marrë 40 mln euro kredi! MIE: Nga investimet rritet me 30 vite jetëgjatësia HEC-it! Kredia do të shlyhet për 15 vite, investimi zgjat 7 vjet

Komisioni parlamentar i Ekonomisë miratoi marrëveshjen e qeverisë me Bankën Gjermane për Zhvillim për të marrë 40 milionë euro kredi që do synojnë rehabilitimin e hidrocentralit të Fierzës me qëllim rritjen e prodhimit të energjisë

Shteti shqiptar do të marrë 40 milionë euro borxh nga Banka Gjermane për Zhvillim (KFW), për rehabilitimin e hidrocentralit të Fierzës. Huaja do të shlyhet për 15 vite, ndërkohë që 5 vitet e para do të jenë pa pagesë principali.

Në Komision e Ekonomisë, zëvendësministri i Infrastrukturës dhe Energjisë Ilir Bejtja, tha se projekti do të realizohet për 7 vite, dhe parashikohet që të rehabilitohen të 4 turbinat e hidrocentralit.

“Ndryshohen gjeneratorët, ndryshohen aksesorët bazë, ndryshohen rrotat e punës, verifikohen elementët e agregatit. Pra me këtë që ne bëjmë i japim një cikël të ri jete 30 vjeçar turbinave”, tha Bejtja.

Ky investim që do të kryhet pas marrjes së kësaj kredie do të rrisë prodhimin e energjisë në kaskadë dhe do të shpenzohet më pak në vitet e ardhshme për mirëmbajtjen.

“Rritja e prodhimit të energjisë elektrike në HEC, me të paktën 50 gigavat në vit që lidhet me eficencën e zëvendësimit me elementë më modern. Rritjen e eficencës në prodhim në HEC me të paktën 4%, reduktimin e kohës së mirëmbajtjes, rritjen e disponueshmërisë së veprës, reduktimi i kostove për mirëmbajtjen, reduktohet karboni, dhe rritet siguria e vendit për furnizimin me energji elektrike, si dhe rritja e jetëgjatësisë së veprës me të paktën 30 vite të tjera”, tha Ilir Bejtja.

Zëvendësministri Bejtja sqaroi se që prej vitit 2008 në kaskadë janë investuar 150 milionë euro, duke nisur që nga siguria e digave deri tek rritja e prodhimit të energjisë.

“Prej vitit 2008 janë bërë 150 milionë dollar ndërhyrje nga të gjitha projektet që kemi zbatuar në Fierzë, Koman dhe Vaun e Dejës, që kanë pasur të bëjnë me sigurinë e i digave, me meretimin e portave të punës , të shkarkimit”, pohoi ai.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 30/04/2022 02:36

    PASTRONI dhe liqeni nga guret dhe mbeturinat...

    Përgjigju
  • redi: 27/04/2022 11:55

    Zoti Bejtja shume mire qe modernizoni Hec. Fierzen ,por vazhdoni dhe me vendosjen e paneleve diellore ne dy digat ,te Komanit dhe te Fierzes.Investimi ne panele diellore do ndihmoje ne periudhen e veres ku rrezatimi diellor eshte me i fuqishem dhe konpenson mungesen e reshjeve ne kete periudhe

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu