POP 5

Lajmet më të lexuara të 5 minutave të fundit

Politikë

Rehabilitohet blloku i banimit te zona e ‘Treshit’, Veliaj: Edhe në periferi investime si në qendër të Tiranës

Kryetari i Bashkisë së Tiranës, Erion Veliaj, inspektoi punimet për rehabilitimin e bllokut të banimit te zona e “Treshit”, ku tha se tashmë edhe periferua po investohet si në qendër të Tiranës.

Blloku i banimit në hyrje të Tiranës, që njihet ndryshe si “lagjja e Treshit”, po rehabilitohet. Kryebashkiaku i Tiranës, Erion Veliaj theksoi se investimet po fokusohen si në qendër ashtu edhe në lagjet periferike.

“Fakti që jemi duke punuar në të gjithë Tiranën, nga lagjja e fundit e “Freskut” te lagjja e fundit e “Treshit”, në lagjen e fundit të “Kombinatit” dhe lagjet periferike të zonave rurale, do të thotë se jemi shtrirë cep më cep.

Më në fund nuk kemi vetëm legalizim, kemi edhe urbanizim. Tani mund të themi që vërtet jetojmë në Tiranë, ku i kemi të dyja këto, edhe letrat e shtëpisë, edhe kushtet si në Tiranë.

Ai theksoi se kjo zonë do të prekë edhe urbanizimin me kushtet si në Tiranë, ndërsa kërkoi mobilizim për të përfunduar punën para Vitit të Ri.  

“Më në fund nuk kemi vetëm legalizim, kemi edhe urbanizim. Tani mund të themi që vërtet jetojmë në Tiranë, ku i kemi të dyja këto, edhe letrat e shtëpisë, edhe kushtet si në Tiranë. Ju jam shumë mirënjohës! Nëse do shfrytëzojmë maksimalisht ditët e festave, që ta kryejmë këtë për Vitin e Ri, kur thonë tironsit ‘që të na gjejë Viti i Ri, me rrugë të reja, me energji të reja’, do ishte e jashtëzakonshme”, tha Veliaj.

Blloku i banimit që i nënshtruar punimeve për rikualifikimin e plotë të saj kufizohet nga rrugët “Mersim Jakupi”, “17 Nëntori”, “Gjergj Mehmeti”,  “Spartak Deliu”, “Besnik Hidri”, “Princ Vidi” dhe “Nikolla Ivanaj”.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Berisha paraqitet në SPAK, e presin militantët, nuk komenton për gazetarët: Do flas kur të dal

Berisha paraqitet në SPAK, e presin militantët, nuk komenton për gazetarët: Do flas kur të dal

6 Janar, 10:02