POP 5

Lajmet më të lexuara të 5 minutave të fundit

Sociale

Rehova e Kolonjës, fshati turistik rrëzë malit të Gramozit që boshatiset në dimër! Mësuesja me shtëpi bujtinë: Nuk ofrohen kushte për ngrohje

Fshati turistik i Rehovës në Kolonjë ka pritur mbi 4 mijë turistë në 10 muajt e parë të vitit. Por ndryshe nga boom-i i verës, në dimër fshati është i boshatisur. Shkak është bërë mungesa e kushteve në bujtina, të cilat nuk sigurojnë dot ngrohjen.

Rrëzë malit të Gramozit, fshati Rehovë i Kolonjës dallohet për arkitekturën e veçantë, natyrën dhe mikpritjen. Rrugicat e kalldrëmta, shtëpitë prej guri, kishat e vjetra, e gjithçka tjetër përbën një ansambël vlerash historike e kulturore.

Edhe pse gjatë verës vizitohet nga qindra turistë të huaj, në dimër Rehova është e shkretuar. Arsyet i rrëfen, Shaze Qirjaqi, mësuesja, që si çdo banor i zones, e ka kthyer shtëpinë në bujtinë.

“Nga 10 shtëpi pritëse në këtë fshat, vetëm dy prej tyre i kanë kushtet e pritjet në stinën e dimrit për turistët, që kryesisht janë të huaj. Nuk mund të sigurohen dot kushte për të gjitha dhomat. Sepse shtëpitë këtu ngrohen me dru zjarri dhe zjarri është vetëm në një dhomë dhe kjo është arsye që janë më të paktë turistët në këtë stinë”.

Por çfarë nevojitet për të zhvilluar turizmin malor në Rehovë?

“Një mbështetje më e madhe për Rehovën! Një mbështetje më e madhe sepse mosha e njerzve këtu është mosha e tretë dhe duhet një mbështetje për t’i ndihmuar ata se shumica e shtëpive janë shumë të vjetra. Ku duhet të ruhen portat tradicionale, portat që kanë mbi 100 vjet. Të ruhen çatitë që janë me drasa. Por kjo nga vetë fshatarët nuk mund të bëhet. Nëse mund të ketë një ndihmesë mund të bëhet Rehova siç e duam”.

Po kështu, pritet që së shpejti të ndërtohet një pistë për ski në malin e Gramozit.

“Në një kohë të afërme në bashkëpunim me shumë instanca dhe operatorët turistik, mendohet se së shpejti do të ndërtohet një pistë skish në malin e Gramozit”.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Safet Bizhga: 02/12/2023 21:51

    Rehova është zona më e bukur turistike

    Përgjigju
  • Llambi: 02/12/2023 10:52

    Kjo ku e ka gjetur kete emer “ Shaze”. Duket qe ska lidhje me fshatin Rehove. Shaze Qirjaqi ( emri musliman i dites se gazepit dhe mbiemri ortodoks). Ne Rehove jane te gjithe ortodokse moj Shaze dhe se di si te ka rene ty te japesh interviste per turizmin????????????.

    Përgjigju
  • Sondazhi i ditës:

    1 maji, a respektohen të drejtat e punëtorëve në Shqipëri?

Lajme të tjera



×

Lajmi i fundit

Një muaj pasi u zgjodh nga Kuvendi, Ndriçim Xhepa jep dorëheqjen si anëtar i Këshillit Drejtues të RTSH

Një muaj pasi u zgjodh nga Kuvendi, Ndriçim Xhepa jep dorëheqjen si anëtar i Këshillit Drejtues të RTSH

1 Maj, 22:09