POP 5

Lajmet më të lexuara të 5 minutave të fundit

Media

Reklamat shtetërore, PS: MT
800 mijë $ gazetave 'qeveritare'

Thellohet edhe më tej skandali i reklamës shtetërore, i cili për të katërtën ditë vijon të denoncohet nga Partia Socialiste. Deputeti Eduart Shalsi publikoi sot shifrën prej 800 mijë dollarë, shpenzuar nga Ministria e Transporteve drejtuar nga Sokol Olldashi, shumë e cila është përfituar nga tre gazeta proqeveritare.
Shalsi: Do sjellim fakte të reja për TV KLAN
PS: Ministria e Mbrojtjes dha 2,5 milionë dollarë
TIRANE - Thellohet edhe më tej skandali i reklamës shtetërore, i cili për të katërtën ditë vijon të denoncohet nga Partia Socialiste.

Deputeti Eduart Shalsi publikoi sot shifrën prej 800 mijë dollarë, shpenzuar nga Ministria e Transporteve drejtuar nga Sokol Olldashi, shumë e cila është përfituar nga tre gazeta proqeveritare.

Deputeti Shalsi ngriti edhe një tjetër problem që lidhet me Ministrinë e Punës dhe Çështjeve Sociale të drejtuar nga Spiro Ksera, e cila i paguan firmës “Promo” ¼ e buxhetit për reklama, në një kohë që sipas opozitës nuk punëson asnjë të papunë në vend.

Ndërkohë, Shalsi akuzoi qeverinë për mosveprim në një kohë që KLSH zbulon abuzime me Ministritë.

Deputeti Shalsi ditën e hënë denoncoi skandalin se 4,735,500 dollarë është shuma që ka paguar Ministria e Brendshme shqiptare për reklama televizive, gjatë viteve 2006 -2012, para të cilat i janë paguar kryesisht një kompanie të vetme për prodhimin dhe më pas transmetimin në një televizion kombëtar.

Ndërsa ditën e djeshme ju referua Ministrisë së Bujqësisë e drejtuar nga Genc Ruli. Sipas Shalsit ky dikaster ka shpenzuar 400 mijë dollarë për reklamë, e cilësuar si elektorale, nga viti 2009 dhe në vitin 2011.

TE DHENAT E PARAQITURA NGA PARTIA SOCIALISTE

Rilindja Demokratike 500 mijë dollarë nga Ministria e Transporteve
Gazeta Koha Jonë 200 mijë dollarë nga Ministria e Transporteve
Gazeta 55 100 mijë dollarë nga Ministria e Transporteve

FAKTE TE TJERA TE PUBLIKUARA NGA PS DITE ME PARE

Ministria e Mbrojtjes dha vlerën rreth 2,5 milionë dollarë
Ministria e Brendshme dha 4,6 milion dollarë për agjensinë e reklamave Promo

(kz/Gre.M/Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

16 Janar, 20:45 nga Eliza Gjediku