Multi kampionia e apneas , aktorja e psikologia Marina Kazankova dhe Dmitry Malasenko kanë vendosur një rekord të ri "Guinness", duke vallëzuar nën ujë pa marrë frymë për plot 3 minuta dhe 28 sekonda. Rekordi i ri botëror është vendosur në pishinën më të thellë në botë, e njohur si "Y-40" në Montegrotto në provincën e Padovës në Itali.
Performanca e çiftit ishte më shumë një spektakël teatror sesa thjesht zhytje nën ujë. Dy artistet performuan nën ujë mbi një litar dhe jo vetëm, në thellësi 4 m, të shoqëruar nga muzika e grupit muzikor "Omura band".
Qëllimi i dy rekordmenëve ishte të motivonin njerëzit për të besuar në realizimin e ëndrrave të tyre dhe përjetimet e reja përmes apnea-s , mungesës së frymëmarrjes për më shumë se 15 sekonda.
Rekordmenët e rinj të "Guinness" kishin planifikuar të qëndronin nën ujë për 3 min e 15 sekonda por të shtyrë nga entuziazmi i spektatorëve, ata qëndruan edhe 13 sekonda më shumë.
Lajme të tjera
-
The Weeknd thyen rekordin 'Guinness' si artisti më i dëgjuar në histori
22 Mars 2023, 09:31 -
Njihuni me Xhinon, qenin më të vjetër në botë! Është 22 vjeç dhe hyri në Librin e Rekordeve Guinness
14 Dhjetor 2022, 14:07 -
Ndërron jetë Nëna Lola, gruaja më e vjetër në botë
25 Nëntor 2021, 12:34
