Superliga shqiptare e futbollit nisi këtë të premte me raundin e 32-të. Në "Elbasan Arena" Tirana fitoi 0-2 kundër Erzenit 'vendas', ndërsa në Kukës djemtë e Devollit nuk ia dolën të fitonin, duke u mundur 0-2 nga Skënderbeu. Nëse nesër Teuta merr një pikë kundër Vllaznisë, Kukësi zyrtarisht nga sezoni i ri do jetë pjesë e Kategorisë së Parë.
Në "Elbasan Arena" Tirana u duk më e vendosur në fushë, teksa shënoi pas vetëm 20 minutave lojë me penalltinë e kthyer në gol nga Kristal Abazaj. Pjesa e parë u mbyll me këto shifra, teksa në të dytën ishte Erzeni që shpërdoroi penalltinë me Kahrimanovic.
Portieri Leon Kozi kuptoi krahun dhe ndali barazimin, për t'i dhënë mundësinë Jonuzit që të shënonte golin e qetësisë te Tirana në të 60 minutë. Me këtë tri pikësh Tirana merr vendin e katërt, duke pritur rezultatin e Partizani - Dinamo e cila luhet nesër.
Në "Kukës Arena" ishte Skënderbeu që fitoi 0-2 me vendasit. Djemtë e Bledar Devollir janë me "një këmbë" në Kategorinë e Parë. Rashica me dopietë shënoi për korçarët, ndërsa verilindorët rrezikojnë që nesër të bien zyrtarisht nga Superliga, kjo nëse Teuta merr të paktën një pikë kundër Vllaznisë.
Superliga, raundi i 32-të:
E premte, 19 prill - 15:00
Erzeni 0-2 Tirana
Kukësi 0-2 Skënderbeu
E shtunë, 20 prill
15:00 Laçi - Egnatia
18:00 Partizani - Dinamo
18:00 Teuta - Vllaznia
Renditja:
Kukësi humbi 0-2 kundër Skënderbeut në Superligë dhe është "me një këmbë" në Kategorinë e Parë. Të fundit në renditje, verilindorët duket se nga sezoni i ri do luajnë një ligë më poshtë, teksa të mërkurën luhen gjysmëfinalet e kthimit në Kupën e Shqipërisë.
Kukësi ka fituar 2-0 ndeshjen e parë kundër Tiranës, ndërsa sfida në kryeqytet pritet e luftuar. Për këtë duel trajneri Bledar Devolli tha se të tijtë do "nxjerrin luanin" për të kaluar në finale.
"Ka qenë ndeshja më e mirë që kur kam ardhur unë këtu te Kukësi, sidomos në pjesën e parë. Kemi krijuar raste njëri më i mirë se tjetri, kemi krijuar aksione ashtu siç unë kisha kërkuar.
Por kemi pasur edhe pak fatin e keq te VAR pasi i kemi pasur episodet kundër. Kundër Tiranës do të luhet ndeshja e sezonit. Djemtë do të nxjerrin luanin nga brenda kundër Tiranës dhe dhimbjen e kampionatit do ta kthejmë në forcë në Kupë.
E kemi nxjerrë luanin në ndeshjen e parë, do ta tregojmë prapë. Pastaj do ta shohim se kush do të qajë dhe kush do të qeshë", tha Devolli për MCN.
Tirana fitoi këtë të premte 0-2 kundër Erzenit për raundin e 32-të në Superligë, duke e çuar në tre numrin e ndeshjeve pa pësuar gol. Pas ndeshjes për MCN trajneri i bardhebluve, Erbim Fagu tha se të tijtë duhet të ruajnë këtë ecuri dhe të përmbysin Kukësin në Kupë gjatë mesjavës (humbje 2-0 në sfidën e parë). E diela e javës tjetër rikthen derbin mes Tiranës dhe Partizanit, me bardheblutë që kërkojnë suksesin për të qenë në "Final 4".
"Erzeni humbi një penallti, fati ishte me ne sot. Shënuam golin e dytë dhe e kontrolluam ndeshjen prapë. Patjetër që na gëzon kjo fitore. Ne gjithmonë kemi pësuar gol dhe pastaj kemi kërkuar që të kthejmë rezultatin. Kur e mbaron ndeshjen me zero gola, krijohet stabilitet dhe besim.
Jam i lumtur që e mbajmë portën të paprekur. Besoj se do ta kthejmë ndeshjen me Kukësin në Kupë, kemi lojtarë që janë përballur edhe më herët me të tilla situata. Dy gola janë shumë, por janë edhe pak.
Derbi? Dihet që nuk mund t’ia gjesh dot rezultatin, do të bëjmë maksimumin për të fituar tre pikët që të sigurojmë 'Final 4'", tha Fagu mes të tjerash.
Lajme të tjera
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Kategoria e Parë/ Pogradeci shtang Vorën në fund, Apolonia mposht Besën! Kastrioti tri pikë (Renditja)
22 Dhjetor, 15:43 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Kategoria e Parë/ Flamurtari fitore dramatike, Kukësi 'bie' në Peshkopi! Burreli surpriza e sezonit (Renditja)
21 Dhjetor, 15:46 -
Media italiane: Tirana surpriza e madhe turistike përtej Adriatikut
21 Dhjetor, 08:41 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15
