Nga kantieri i ish-Sheshit "Shqiponja", Report Tv sjell ekskluzivisht detajet e fundit në lidhje me ecurinë e punimeve për rimodelimin e hyrjes së Tiranës në këtë zonë.
Drejtori i Projekteve Strategjike në ARRSH, Erald Elezi, i tha gazetarit Sokol Dema se tashmë janë realizuar rreth 42% e kontratës dhe puna vijon intensivisht.
"Punimet nëntokësore janë sfidat e kësaj vepre pasi përbëjnë shumicën e punimeve. Pjesa që në projekt quhet tubi nr. 4 tashmë ka përfunduar. Po vazhdon puna paralelisht për dy tubat e tjerë", tha Elezi.
"Punimet nëntokësore kanë qenë sfida e kësaj vepre. Më parë në ndërtimet tona ne kemi përdorur punime nëntokësore vetëm në një nivel. Kemi ndërtuar nënkalime. Këtu vështirësia është akoma dhe më e lartë sepse kemi një kombinim të punimeve nëntokësore", vijoi ai.
Sa i përket çështjes së trafikut Drejtori i Projekteve Strategjike në ARRSH, Erald Elezi, u shpreh se plani i ri menaxhues ka funksionuar dhe drejtuesit e mjeteve janë përshtatur.
"Dua të gjej rastin të falënderoj drejtuesit e mjeteve që e kanë respektuar me rigorozitet planin e ri të menaxhimit të trafikut që ne e kemi implementuar prej disa javësh. Përveç sfidave inxhinierike, ndër sfidat më të mëdha ishte të punojë ne nyjën më të ngarkuar të trafikut dhe nëse do të punonim duke e pezulluar komplet trafikun i gjithë qyteti do ishte në kolaps. Ne punuam me faza. Drejtuesit e mjeteve janë përshtatur shumë shpejt dhe deri tani mund ta themi me bindje që kjo skemë po funksionon", u deklaroi Elezi.
Përfundimi i plotë i veprës pritet brenda vjeshtës së ardhshme por edhe më shpejt pasi deri tani punimet janë përpara me afatet.
"Lehtësimi i radhës për automjetet do të jetë në fund të muajit shkurt dhe në fillim të marsit të vitit të ardhshëm. Kjo na jep ne mundësinë që të mund të prishim rrugët provizore që janë bërë për trafikun dhe të vijmë me punën
Deri tani kemi qenë të favorizuar nga kushtet atmosferike. Nëse dimri vazhdon kështu ne presim që brenda vjeshtës së ardhshme veprën ta kemi përfunduar. Ne jemi të mobilizuar në mënyrë të plot, jemi përpara me afatet dhe çdo datë tjetër para vjeshtës do të ishte e mirëseardhur", tha ndër të tjera në lidhjen live për Report Tv nga ish-Sheshi "Shqiponja", Drejtori i Projekteve Strategjike në ARRSH, Erald Elezi.
Pak ditë më parë ka qenë Kryeministri Edi Rama që ka publikuar pamje nga kantieri i Sheshit Shqiponja ku po zhvillohen punimet për rimodelimin e hyrjes së Tiranës. Ai shkroi se në këtë kantier po punohet 24 orë për të ndërtuar rrugën që do të lehtësojë qarkullimin e makinave në kryeqytet.
Komente
Lajme të tjera
-
Ish- kreu i ARRSH Evis Berberi mbetet në burg, Gjykata e Lartë i rrëzon rekursin
17 Tetor, 15:42 -
Unaza e Madhe e Tiranës do përfundojë brenda 2024-ës, në lotin e 6- të shpejtësia deri 140 km/orë
14 Tetor, 17:53 -
Në janar nis Qendra Kombëtare e Monitorimit të Trafikut/ 200 punonjës nga 4 agjenci monitorojnë 200 km e para në vend
5 Shtator, 15:15 -
Rruga e Komanit katastrofë! Massafra thirrje Qeverisë: Investoni sa më parë, jeta e mijëra banorë e turistëve në rrezik
30 Gusht, 16:15
-
Tender për rrugën Korçë-Ersekë – ARRSH bën gati procedurën, 432.3 mln lekë për pjesën e dytë të lotit II
17 Gusht, 09:42 -
Erald Elezi emërohet drejtor i ri i KESH
15 Gusht, 14:32 -
Rruga e re Elbasan-Qafë Thanë kalon përmes fshatit Hotolisht të Librazhdit! Banorët në protestë: ARRSH-ja të ndryshojë projektin, dëmtohen shtëpitë e tokat
31 Korrik, 17:18
-
Apeli i GJKKO kthen në qeli biznesmenin Ervis Lami! Mori tendera nga drejtori i ARRSH, Evis Berberi
25 Korrik, 09:56 -
Kompania ‘Bankers Petroleum’ investon 96 mijë Dollarë për infrastrukturën rrugore në Sheqishtë të Patosit
24 Korrik, 16:20 -
Bllokohet sot aksi Elbasan-Qafë Thanë, ARRSH publikon hartën: Ja si do të devijohet qarkullimi
24 Maj, 08:48 -
Ish-drejtori i ARRSH, Dashamir Xhika në SPAK, ja çfarë deklaroi pasi doli
14 Maj, 09:56 -
PD: ARRSH tendera 200 mln €! Do kallëzojmë Ballukun në SPAK
15 Prill, 15:30
Po nuk eshte dakort Tabakhonja e pd leshelis ne kete kryeveper te infrastrukures se Tiranes se Luli beri vetem xhiromakinen rreth kalit te Skenderbeut kur ishte kryetar. Ec perpara o gjigand i sigurte drejt mandatit te trete Edi Rama.
PërgjigjuTi jepet perparesi menjehere hyrjes ne Tirane, te hapet sa me shpejt nje tunel n q se ka, pasi aty nuk pasqyrohet asnje projekt. Te shtohen kompanite qe punojne .Te merren eksperte per projektin , ne menyre qe mos behen gabime si te mbikalimi te pallati me shigjeta ku standartet jane minimale
PërgjigjuMe mire 2-3 muaja me vone se para afatit e pa cilesi...deri tani super pune duket
Përgjigju