Dakordësia/ PS - Rithemelimi 2 komisione hetimore për Shëndetësinë e TIMS! EMRAT e 30 anëtarëve! Pr.vendimet që do votohen sot në Kuvend

Shqiptarja.com ka siguruar dy draftet që do të votohen sot në parlament për ngritjen dhe funksionimin e komisionit hetimor për shërbimin publik të Sterilizimit dhe shërbimin publik të Check-up dhe komisionit hetimor për trajtimin e të Dhënave të sistemit TIMS. Ngritja e dy komisioneve erdhi si rezultat i dakordësisë mes PS dhe Rithemelimit që i jep fund 5 muajve kaos që deputetët e Berishës krijuan në Kuvend. 

Çfarë do hetojë komisioni hetimor i Shëndetësisë?

Komisioni Hetimor për shërbimin publik të Sterilizimit dhe shërbimin publik të Check-up në shëndetësi ka për objekt të veprimtarisë së tij:

LEXO EDHE:
Takimet me diasporën, Blendi Klosi nga Korça: Fokusi tek rienergjizimi i PS! Shqipëria 2030, transformim epokal i vendit

-Shqyrtimin e cështjeve të lidhura me kontratat publike për shërbimin publik të sterilizimit dhe atë të check-up në shëndetësi, si dhe zbatimin e tyre - Vlerësimin e nevojës për marrjen e masave administrative apo ndërhyrje ligjore në legjislacionin përkatës.

Në draftin që do votohet sot nënvizohet se komisioni "ka të drejtë të hetojë dhe të bëjë transparencë të plotë për cdo cështje që përfshihet në objektin e punës së tij, në përputhje me parimet kushtetuese, vecanërisht parimin e ndarjes së pushteteve, duke mos iu mbivendosur punës së organeve të drejtësisë, parimin për një proces të rregullt ligjor, parimin e prezumimit të pafajësisë, parimin e paanshmërisë dhe i respektimit të jetës private të individit”.

Komisioni Hetimor përbëhet nga 15 anëtarë, nga të cilët kryetari dhe 6 anëtarë janë të PD dhe 8 anëtarë të PS dhe do të zhvillojë veprimtarinë e tij në një afat kohor 4-mujor, nga data e miratimit të këtij vendimi.

Në rast nevoje, me kërkesë të arsyetuar të Komisionit, Kuvendi vendos zgjatjen e afatit të ushtrimit të veprimtarisë së komisionit.

Komisioni Hetimor, i ngritur sipas këtij vendimi, bashkë me raportin përfundimtar i paraqet Kuvendit në seancë plenare rekomandime për marrjen e masave me karakter administrativ dhe/ose ndryshime të nevojshme ligjore.

Çfarë do hetojë komisioni hetimor i TIMS?

Komisioni hetimor për trajtimin e të dhënave të sistemit TIMS ka për objekt të veprimtarisë:
-Shqyrtimin e cështjeve lidhur me kontrollin e veprimtarisë së institucioneve të ngarkuara me mbrojtjen e sistemit TIMS
-Vlerësimin e nevojës për marrjen e masave administrative apo, ndërhyrjet ligjore në legjislacionin përkatës në fuqi.

"Komisioni ka të drejtë të hetojë dhe të bëjë transparencë të plotë për cdo cështje që përfshihet në objektin e punës së tij, në përputhje me parimet kushtetuese, vecanërisht parimin e ndarjes së pushteteve, duke mos iu mbivendosur punës së organeve të drejtësisë, parimin për një proces të rregullt ligjor, parimin e prezumimit të pafajësisë, parimin e paanshmërisë dhe i respektimit të jetës private të individit", thuhet në draft.

Komisioni përbëhet nga 15 anëtarë, nga të cilët kryetari dhe 6 anëtarë propozohen nga Grupi Parlamentar i Partisë Demokratike dhe 8 anëtarë propozohen nga Grupi Parlamentar i Partisë Socialiste.

Pjesë e dakordësisë është dhe ngritja e një grupi dialogu prej 6 anëtarësh 3 PS e 3 PD lidhur me ligjet me shumicë të cilësuar.

(Kliko për të parë dokumentin e plotë)

(Kliko këtu për të parë dokumentin e plote)

TAG:
• PS
• Rithemelimi
• TIMS

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25.2%

• Keq

  61.4%

• Nuk e di

  13.4%

Vota total: 2070

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di