Malësia e Madhe është zona më e njohur në Shqipëri për kultivimin dhe eksportimin e bimëve aromatiko-mjekësore. Rreth 3500 familje jetojnë me kultivimin e këtyre bimëve, me një sipërfaqe prej 5000 hektarësh.

Sa më shumë njihesh me fermerët e zonës aq më shumë dalin në pah problemet si çmimi nën kosto, mungesa e krahut të punës dhe teknologjia e vjetruar. Tokat ende punohen me parmendë.

Agim Rama, kultivues i bimëve aromatike me eksperiencë mbi 40-vjeçare tregon për Report TV se gjatë dy viteve të fundit janë shfaqur probleme të theksuara për shkak të mungesës së tregut për shitje.

“Çmimi është nën kosto sot! Nëse ne e shesim sherbelën me 70 lek për kg, kemi shpenzuar 80 lek për ta kultivuar. Po kështu dhe në rastin e levandos”, tha ai.

Shqetësimeve të tregut nuk i shmanget tarifa e re doganore 10 për qind e vendosur nga SHBA, e cila pritet të ketë ndikim negativ tek fermerët e Malësisë së Madhe.

“10 për qind do na hiqet ne (kultivuesve) sepse grumbulluesit nuk do të preken. Do ulet çmimi akoma më shumë për ne”, tha ai.

Agim Rama thotë se Qeveria duhet të marrë modelin europian të grumbullimit të bimëve medicinale si dhe ka ardhur koha për zhvillimin e industrisë farmaceutike.

“Sot 80 për qind të produkteve, sidomos sherebela shitet në SHBA. Ne duhet të mbjellim sipas kontratave që mos mbetet produkti stok. Pse duhet të kultivohen 3500 hektarë vetëm me sherebelë kur shitet nën kosto?! E dyta është se duhet të zhvillohet industria e përpunimit. Pse të mos prodhohen në Shqipëri medikamentet apo produktet e kozmetikes që kanë lëndë të parë bimët medicibale?!”, shton Agim Rama.

Fermerët kanë sytë nga shteti në orientimin dhe përcaktimin e saktë të zinxhirit të funksionimit të këtij tregu në vendosjen e akcizës për mallrat e importit, në mënyrë që prodhimi vendas të mos mbetet stok.

“Sot kemi 6 mijë ton stok në magazina dhe presim vjeljet e qershorit e korrikut”, tha kultivuesi nga Malësia e Madhe për Report TV.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 05/04/2025 21:13

    Fiks eri

    Përgjigju
  • Eri: 05/04/2025 18:51

    10% është, mos bëni sikur është 100%. Nuk prishet tregëtia për kaq pak, boll me drama. Importuesit amerikanë nuk kanë ku ta gjejnë më lirë, do detyrohen përsëri tek ju do përplasen.

    Përgjigju
    • Eri top sheqeri: 05/04/2025 21:29

      Po mo Eri po! Shko e provoje te te bjere bretku me pune e me kosto me bimet mjekesore, e do è shohesh se si te peshon nje gjethe sherebele te te ike kot, e le pastaj te flasesh per 10% Po hajde flit te flasim se dicka mbetet....

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera