Reporterët pa kufij dënojnë sulmin ndaj gazetares Klodiana Lala: Shteti ta mbrojë

Reporterët pa kufij dënojnë sulmin me armë në banesën e prindërve të gazetares Klodiana Lala, të ndodhur një ditë më pare. Ata kërkojnë mbrojtje për gazetaren dhe denim të sulmit.

“RSF dënon sulmin me një Kalashnikov në shtëpinë e #KlodianaLala, një gazetare investigative që mbulon kronikën e zezë në #Albania. Autoritetet kanë për detyrë ta mbrojnë atë dhe të dënojnë sulme të tilla”,- thuhet në mesazhin e shpërndarë në Twitter.

Ngjarja ndodhi në orët e para të ditës së djeshme, ndërsa mendohet se një person i vetëm ka qëlluar me kallashnikov mbi banesën e prindërve të gazetares Lala, duke lëshuar rreth 10 plumba, në muret, dyert e dritaret e banesës. Fërshëllimi i plumbave, ka terrorizuar të gjithë anëtarët që ndodheshin në banesë. Fatmirësisht breshëria e automatikut nuk ka sjellë asnjë dëm në njerëz, vetëm dëme materiale. Besohet se autori i krimit është larguar me automjet nga vendi i ngjarjes për të mos u identifikuar ende dhe sot. Pak ditë më parë gazetarja Lala ka botuar në një kronikë televizive një bisedë të përgjuar mes deputetit të PS Jurgys Çyrbja me një person me precedentë penalë.

LEXO EDHE:
Liria e medias/ Zëdhënësi i Berishës gjen ‘fajtorin’ për raportin pozitiv të 'Reporterët pa Kufij': Kam dijeni për një lobim të Ramës

TAG:
• Klodiana Lala
• sulmi mbi banesen e gazetares
• Reporteret pa Kufij

Sondazhi i ditës:

A ka politika frikë nga SPAK-u?

• Po

  69%

• Jo

  26.3%

• Nuk e di

  4.7%

Vota total: 2969

• Sondazhi i ditës:

  A ka politika frikë nga SPAK-u?

  Po Jo Nuk e di