POP 5

Lajmet më të lexuara të 5 minutave të fundit

Bota

Reshje të dendura shiu në veri të Italisë, përmbytje në Milano dhe Venecia, evakuohen banorët! Alarm i kuq në Veneto

Reshjet intensive kanë shkaktuar përmbytje në veri të Italisë. Stuhitë e përfshinë rajonin e Lombardisë, Milanon dhe Venecia. Disa rajone janë vënë nën alarmin e kuq, ku Veneto është më e rrezikuara

Reshje të dendura shiu në veri të Italisë, përmbytje në Milano dhe Venecia, evakuohen banorët! Alarm i kuq në Veneto

Reshjet intensive kanë shkaktuar përmbytje në veri të Italisë. Stuhitë e përfshinë rajonin e Lombardisë, Milanon dhe Venecia. Disa rajone janë vënë nën alarmin e kuq, ku Veneto është më e rrezikuara.

Por në rrezik përmbytje janë edhe Emilia Romagna, Friuli Venezia Gulia, Liguria, Lombardia dhe Trentino Alto Adige. Dëme raportohen edhe në Toskanë. Në Versilia tornado ka shkulur çatitë e disa shtëpive, pemët dhe disa nënstacione elektrike u përfshinë nga flakët.

Linjat e transportit në Milano dhe dalje të stacioneve të metrosë janë përmbytur duke mbyllur disa prej tyre.  Këshilltari Granelli raportoi se nivelet e Seveso janë ende shumë të larta prandaj pritet që përmbytjet të zgjasin për disa orë. Nënkalimi i Via Negrotto dhe ai i Via Rubicone janë përmbytur, por pritet të rihapen së shpejti, raporton Corriere.

Komunitetet e Parkut Lambro u evakuuan si masë paraprake, duke filluar me Eksodin e Don Mazzi-t.

“Në vend, së bashku me këshilltarin Granelli ishin ekipet e MM që hapën kapakët e pusetave menjëherë para përmbytjes, Policia Lokale dhe Amsa. Sipas parashikimeve, përmbytjet do të zgjasin disa orë, rekomandojmë qëndrimin në shtëpi", ka shkruar në një postim kryetari i Bashkisë 9, Stefano Indovino.

Mbrojtja Civile e Lombardisë u ka komunikuar banorëve në zonat e prekura nga përmbytja e Seveso - përmes mesazheve me tekst dhe telefonatave celulare automatike me ata të regjistruar në shërbim - për të shmangur zonat e përmbytura dhe për të marrë masat rutinë në këto raste: mos dilni gjatë përmbytjeve, shmangni ashensorin, kufizoni përdorimin e telefonave celularë për të mbajtur linjat e lira dhe për të lehtësuar çdo operacion shpëtimi, mbani të përditësuar aplikacionet e motit. Ndërsa, parashikimi i motit tregon prirje drejt përmirësimit të reshjeve duke nisur nga sektorët perëndimorë.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

10 Janar, 18:15