Reshjet e shumta,nisin vështirësitë e
para,situata në disa qarqe të vendit

Reshjet e shumta të shiut ka filluar të japin efektet e para negative. Edhe pse janë marrë masat paraprake nga emergjencat civile në disa qarqe situate ka filluar të vështirësohet. Problematike mbetet edhe furnizimi me energji elektrike, në hidrovoret e Velipojës, në Shëngjin dhe në disa fshatra të Gjirokastrës.

Lezha
Përkeqësimi i kushteve atmosferike, ka shtuar friken e përmbytjeve në rajonin e Lezhës. Që prej mbrëmjes të së mërkurës insitucionit vendore janë vënë në gadishmëri, për të përballuar çdo situatë problematike që mund të krijohet.

Drejtoria e Bordit të Kullimit për Veriun bën me dijë se hidrovoret  e Velipojës dhe Çasit në Shkodër nuk furnizohen me energji elektrike. Gjithashtu sipas të dhënave puna në portin e Shëngjinit është ndërprere për shkak të detit të trazuar, ndërkohe që ka pasur dhe ndërprerje të energjisë elektrike nga defektet ne rrjet kryesisht në fshatra.

Korça
Situata  problematike me motin, po krijon problematike edhe në Qarkun e Korçë. Reshjet e mëdha kanë nisur të japin efektet e para në këtë qark. Prefekti i Korçës ka mbledh shtabin e emergjencave dhe ka ndryshuar harta e shpërndarjes se mjeteve dhe forcave të emergjencës. Pikat kritike ku do te pozicionohen grupet e punës janë fusha e Maliqit, lumi i Verdoves ne Pogradec dhe Lumi ne hyrje te qytetit te Ersekes. 

Gjirokastra
Edhe në Gjirokastër kanë filluar problematikat sa i përket situatës së reshjeve. Në Gjirokastër problemet e para janë për mungesën e energjisë elektrike.

Disa fshatra të Qarkut të Gjirokastrës kanë mbi 13-14 orë pa energji elektrike për shkak të defekteve në rrjetin e furnizimit. Probleme ka patuar në zonën e Përmetit, Këlcyrës, Zagorisë, në disa fshatra të Tepelenës dhe Gjirokastrës. Prezenca e ujit ka filluar të shtohet në rrugën nacionale në afërsi të lumit Drino. Ndërkohë që Prefekti i Qarkut të Gjirokastrës ka kërkuar ndërprerjen e mësimin për ditën e nesërme në këtë qark për shkollat 9 vjeçare.

Kukësi
Ndërkohë në Qarkun e Kukësit Rrugët Rurale, rrezikojnë që këtë dimër të izolohen nga bora pasi  emergjencat civile nuk kanë mjetet e nevojshme për pastrimin nga dëbora dhe rrëshqitjet e dherave e gurëve. Rrugët rurale janë në gjendje shumë të rënduar infrastrukturore. Problematikë tjetër për këtë dimër  paraqitet edhe gjendja e infrastrukturës fizike në disa shkolla të Qarkut të Kukësit. 

Njoftimi i plotë i policisë mbi situatën në qarkun e Kukësit:

Situata klimaterike: Aktualisht në Qarkun e Kukësit vazhdojnë reshjet me intensitet mesatar në të gjithë Qarkun e Kukësit.

Sipas Stacionit Ushtarak Meteoriollogjik Kukës kemi këto të dhëna:

Temperaturat maximale 16.4 gradë celsius.

Temperatura minimale 8.0 gradë celsius.

Temperatura aktuale 12.0 gradë celsius.

Sasia e reshjeve nga ora 06:00 deri në orën 19:30 është 58.6 mm.

Shpejtësia e erës 6 m/s

Sipas informacioneve të marra nga Strukturat e emergjencës civile në tre bashkitë e përfaqësuesit e rrugëve nacionale situata në akset rrugore është si më poshtë:

Akset rrugore:

Aktualisht të gjitha aktet rrugore që përshkojnë Qarkun e Kukësit janë të qarkullueshme.

Pasojë e këtyre reshjeve ka vazhduar fenomeni i rënies së gurëve dhe inertesh dherash për të cilën kanë ndërhyrë firmat kontraktore.

Për shërbimet publike:

Nga Informacionet e marra nga strukturat nuk kemi emergjenca shëndetësore si pasojë e situatës klimaterike.

Aktualisht kemi probleme në furnizimin me energji elektrike ku si pasojë e erërave të fuqishme jane kemi demtime të rrjetit furnizimit .

Pa energji Bashkia Kukës:Nj.A Zapod,Nj.A Shishtavec,Nj.A Malzi,Nj.A Kolsh,Nj.A Surroj, Bushtricë, Grykë –Çajë,Nj.A Topojan.

Pa energji ne Bashkinë Kukës janë 2 875 abonentë.

Pa energji Bashkia Has:Nj.A Gjinaj (Fshatrat Kishaj e Pogaj) ,gjithsej 35 abonentë.

Në Bashkinë Tropojë është pa energji elektrike Nj.A Bytyç,Nj.A Tropojë e Vjetër Nj.A Qendër gjithsej 288 abonentë.

Në shkallë Qarku janë pa energji 3198 abonentë.

Komisioni i Emergjencave Civile vazhdon të ndjekë me përparësi situatat që po zhvillohen duke marrë masat përkatëse.

Redaksia Online
J.Sh Shqiptarja.com

/Shqiptarja.com