POP 5

Lajmet më të lexuara të 5 minutave të fundit

Politikë

Rezultati shokues/ Si u zhduk LSI-ja nën drejtimin e Monika Kryemadhit, fshihet nga harta elektorale në 9 qarqe, angazhimi i Metës thelloi rrënimin

Shkatërrimi elektoral i LSI-së sipas qarqeve, në Elbasan preku fundin me 4.4 % të votave nga 14 % në 2017, humbje shkatërruese në Durrës, Berat, Vlorë dhe Tiranë. Del me zero mandate në 9 nga 12 qarqe të vendit

TIRANË- Rrudhja dhe rënia drastike e Lëvizjes Socialiste për Integrim nisi që me ‘eksodin e madh’, në fund të vitit 2017 dhe në fillim të vitit 2018, ku u braktis nga qindra anëtarë dhe dhjetëra drejtues të saj, por rrallëkush mund ta kishte menduar se, partia Ilir Metës dhe Monika Kryemadhit, në zgjedhjet e 25 prillit 2021, do të fshihej nga harta elektorale e 9 qarqeve të Shqipërisë. Teksa po numërohen kutitë e fundit, shkatërrimi dhe rrënimi elektoral i LSI-së, nën drejtimin e Monika Kryemadhit, është i qartë, i gjithanshëm dhe katastrofal, krahasuar me rezultatin e kësaj partie në zgjedhjet e 2017.

Ndërkaq, angazhimi i hapur i Ilir Metës në fushatë, javët e fundit, bashkë me stafin e Presidencës, sidomos në Vlorë, Elbasan, Berat dhe Durrës, jo vetëm nuk e parandaloi disfatën e LSI, por duket se, me retorikën e tij konfrontuese, kërcënimet dhe kthimin e 25 prillit në një referendum kundër reformës në drejtësi dhe ambasadores amerikane Yuri Kim, vetëm sa e ka thelluar rrënimin elektoral të LSI-së. Nga ana tjetër, ky angazhim politik i Ilir Metës, komprometues për institucionin e Presidencës është shënuar nga OSBE/ODIHR si një njollë e këtij procesi zgjedhor.

Po çfarë ka ndodhur me LSI-në nën drejtimin e Monika Kryemadhit? Pas zgjedhjeve parlamentare të 25 qershorit 2017, Ilir Meta ia la në administrim LSI-në bashkëshortes së tij, Monika Kryemadhit, pasi u zgjodh President. Në zgjedhjet e 2017, LSI-ja mori 225 975 vota ose 14,28%, përthyer në 19 mandate. Pas katër vitesh nën drejtimin e Monika Kryemadhit, në zgjedhjet e 25 prillit 2021, LSI ka marrë vetëm 4 mandate, rreth 110 mijë vota ose 6.85 %. Pas katër vitesh, LSI-ja ka humbur më shumë se sa gjysmën e mbështetësve.

Në zgjedhjet e 2017, LSI ka marrë 1-2 mandate në të gjitha qarqet e vendit, me përjashtim të Kukësit. Në zgjedhjet 25 prillit, LSI nuk ka marrë asnjë mandat në Dibër, Kukës, Lezhë, Durrës, Elbasan, Korçë, Vlorë, Gjirokastër dhe Berat. LSI ka arritur të marrë 2 mandate në Tiranë nga 5 që kishte marrë në 2017, një mandat në Fier nga 2 që kishte marrë në 2017 dhe një mandat në Shkodër. Në Berat, që konsiderohet edhe si shtëpia e LSI-së, partia e Ilir Metës dhe Monika Kryemadhit, ka prekur fundin. Në vitin 2017, LSI merrte në Berat rreth 24 % të votave dhe 2 mandate. Në zgjedhjet e 25 prillit 2021, nuk ka marrë asnjë mandat. Rezultati i LSI-së në qarkun e Beratit është 8384 vota ose 11 %.

Për disfatën e LSI-së në Berat, duke se ka ndikuar edhe largimi i dy figurave kryesore të saj partie në këtë qark, Nasip Naço dhe Gledion Rehovica, të cilët iu bashkuan PS-së. Meta dhe Kryemadhi i konsideruan dy ish-deputetë, pas largimit, si llumi i LSI-së. Ilir Meta u angazhua në Berat që në muajin shkurt, për të kompensuar gropën që la pas Naço dhe Rehovica, por fati i partisë nuk ndryshoi.

Një tjetër goditje LSI-ja ka marrë në Durrës, qark në të cilin në 2017, mori 2 mandate. Në zgjedhjet e 25 prillit 2021, LSI në Durrës ka marrë rreth 9 mijë vota ose 6 %. Ky rezultat ende nuk ka prodhuar mandat në Durrës. Në humbjen e LSI-së në këtë qark mendohet se ka ndikuar edhe largimi i Lefter Kokës nga LSI-ja tek PS-ja. Për këtë arsye, Meta nisi një fushatë të egër sulmesh ndaj Kokën, i cili më parë ka qenë deputet dhe ministër i LSI-së.

Po aq e rëndë është disfata e LSI-së në Elbasan, qark në të cilin në zgjedhjet e 2017, mori 2 mandate, 23.536 vota ose 14 %. Në zgjedhjet e 25 prillit, në Elbasan, rezultati i LSI-së është kastrofal, vetëm 4.4 % ose 6892 vota. Disa ditë para zgjedhjeve, me sa duket i informuar për situatën e rëndë të partisë, Meta deklaroi se do të zhvendosej në Elbasan, sipas ti për të mbrojtur votën e lirë. Dhe ashtu ndodhi, por fati i LSI-së nuk ndryshoi.

Në Tiranë, LSI-ja ka humbur 3 mandate krahasuar me zgjedhjet e 2017, në të cilat mori 5 mandate, rreth 56 mijë vota ose 13,45%. Në zgjedhjet e 25 prillit 2017, rezultati i LSI-së në Tiranë, kur kanë mbetur edhe 150 kuti pa u numëruar, është 24 mijë vota ose 6 %. Në Vlorë, në zgjedhjet e 2017, LSI mori 1 mandat, 12.246 vota ose 11,24%. Në zgjedhjet e 25 prillit 2021, në Vlorë, kur janë numëruar të gjitha kutitë me fletë votimi, LSI-ja ka marrë 6002 vota ose 6 %. Gjatë fushatës elektorale, Ilir Meta u zhvendosu bashkë me stafin e Presidencës në Vlorë, duke u angazhuar hapur në krah të PD-LSI, fakt që u konstatua dhe denoncua edhe nga OSBE/ODIHR në raportin e ndërmjetëm për zgjedhjet.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • robi: 27/04/2021 21:05

    Amon si do merrte vota nje particke qe kishte nenkryetare nje trularaske , sharebajge pa shkolle si Kejdi dhembcakallja

    Përgjigju
  • Fatosi-kosove: 27/04/2021 18:46

    A e din kush se ku do shkojne tash mender mbrojtesi i kushtetutes illir meta me burrin e tij monken, askush ska lindur kriminel por eshte ber dhe kete e ka deshmuar vet illir meta,prandaj une them se duhet ta lem ta shof veten se ku ka perfunduar,ska denim me te mire ne kete jeté se referendumi popullor dhe kete e mori, prandaj gezoje illir meta.

    Përgjigju
  • Ela: 27/04/2021 17:51

    Ore mos e lini te arratisen me arin qe ka marr ky kriminel....burg

    Përgjigju
    • aman aman: 27/04/2021 18:52

      Arin e ka rregulluar me kohe ai...

  • goni: 27/04/2021 17:42

    qenia me poshter politike.i pa bes i korruptuar.

    Përgjigju
  • Lleshi: 27/04/2021 17:38

    Iku per lesh partia me e degjeneruar e kesaj kurve fallxhore....

    Përgjigju
  • shqiptar: 27/04/2021 17:34

    keta te dy dhe lloji i tyre duhen zhdukur nga faqja e dheut se seriozisht ... po na zhdukin si komb

    Përgjigju
    • Luli: 27/04/2021 18:01

      Shum e vertet evmrekullushme esht si e zhduken Isisin domth Lsi Se ja pir gjakun kti kombi Zoti I shfarost

    • Sono: 27/04/2021 17:41

      Po sa mir e the mor shqiptar edhe jo vec ata dy...

  • Berti: 27/04/2021 17:31

    Tani uroj qe te konkludohet vepra e nisur dhe ketij palacoje ti sekuestrohet pasuria dhe te futet ne burg. Per sa kohe te lihet jashte dhe te kete akses ne miliardat qe ka vene, ky do kercenoje e do urdheroje vrasje.

    Përgjigju
  • xuxi: 27/04/2021 17:19

    Familna kriminale floriri kujton se populli eshte budalla.....

    Përgjigju
  • Like: 27/04/2021 16:43

    Shyqyr qe u zhduken nga faqa e televizionit, me shpres te zhduken dhe nga faqa e dheut, vendi i tyre ne biruce

    Përgjigju
  • Bepi: 27/04/2021 16:41

    Familjarisht te degjenerum

    Përgjigju
    • Turi: 27/04/2021 17:11

      Ky vjen era si plan i fsgehur i Likes. Likja shkrin LSI me PD. Jep doreheqjen nga president. Saliu i fut dy shpulla lylit dhe e perzen nga pd. Likja bohet kryetar i PD dhe i opozites. Likja dhe berisha ( pas perdes) drejtojne bashke PD. Po mona thoni ju, ku eshte? Mona o tu u shkep andej nga bathorja se likes nuk i punon me. Kejdi dhomcakallen e mban gjithmon me vete si per shpelarje mbas shkepjes

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

24 Nëntor, 19:34