Ridel "Sporti Shqiptar", dje
i mungoi tregut mediatik

TIRANE- Gazeta më e vjetër sportive në Shqipëri i ka mungur dje tregut mediatik, ndërsa sot ka qenë e pranishme.

Faqet online, respublika dhe gazeta Tema komentuan dje mosbotimin e gazetës si pasojë e një proteste të gazetarëve, për shkak të mos marrjes së pagës dhe pushimit nga puna brenda një dite nga botuesi Koço Kokëdhima. Ndërkohë që ishte vënë në pikëpyetje dalja e “Sportit shqiptar” për ditën e sotme.

Drejtuesit e Unionit të Gazetarëve Shqiptarë, të cilët janë informuan mbi gjëndjen nga gazetarë, anëtarë të këtij unioni, sqarojnë se nesër është caktuar të zhvillohet një takim me drejtuesit e gazetës dhe administratorin e gazetës.
“Dje u shqetësuam pse nuk doli gazeta. Morëm kontakt me kolegët gazetarë, pjesë e unionit tonë. Privatisht jemi informuar se ka pasur probleme me pagat, por zyrtarisht ende nuk kemi asnjë shkresë zyrtare. Nesër do marrim takim me ta”- deklaroi kryetari i Unionit të Gaztarëve Shqiptarë, Aleksandër Cipa në një prononcim telefonik për shqiptarja.com.

Nga redaksia e gazetës Sporti Shqiptar shpjegohet se mosdalja në treg e gazetës, ditën e djeshme, ndodhi për shkak të një problemi të brendshëm, por nuk pranojnë të japin detaje të tjera. Nga kjo redaksi konfirmohet se gazeta do të vazhdojë të jetë në tregun mediatik.

Nëpërmjet një deklarate për shtyp Unioni të Gazetarëve Shqiptarë deklaronte dje se ishin informuan mbi gjëndjen edhe “nga gazetarë që janë anëtarë të këtij unioni” dhe se “Është situata më e rëndë në 10 vitet e fundit”

“Unioni i Gazetarëve Shqiptarë thotë se situata është shumë e rëndë dhe nesër në një konferencë për shtyp pritet të japin detaje

“Unioni konstaton se në shumë media si audiovizive ashtu dhe të shtypit të printuar gjëndja financiare paraqitet shumë e rënduar dhe për këtë shkak Unioni i gazetarëve, nesër në orën 11.30 në konferencë për shtyp do të japë statistika për reduktimet e stafeve redaksionale në disa të përditshme dhe për vonesa të jashtëzankoshme të pagave mujore në disa tv lokale."- deklaroi zoti Çipa.
(sg/shqiptarja.com)