Riker: Fundi i mbikëqyrjes, fillimi i dialogut

Zëvendës ndihmës sekretari amerikan i shtetit, Filip Riker, tha se me përmbylljen e mbikëqyrjes ndërkombëtare të pavarësisë, nuk i jepet fund interesimit të bashkësisë ndërkombëtare për vendin, por po nis një kapitull i ri i normalizimit të raporteve Kosovë-Serbi.

Riker tha se e ardhmja e Kosovës dhe e Serbisë është në Bashkimin Evropian, por theksoi se dialogu ndërmjet të dyja vendeve është esencial, transmeton ReL.

Komentet e tij Rikeri i bëri në një takimi që zhvilloi në Prishtinë me kryeministrin e Kosovës, Hashim Thaçi ku ky i fundit tha se sfidat e ardhshme të shtetit të Kosovës janë të vështira dhe u zotua për angazhimin institucional në përballjen me këto sfida, duke aluduar në veriun.

/rg/shqiptarja.com/